തിരുവനന്തപുരം: ഗവർണരുടെ ക്രിസ്മസ് വിരുന്നിന് പണം അനുവദിച്ച് സംസ്ഥാന സർക്കാർ. 7 ലക്ഷം രൂപയാണ് സർക്കാർ അനുവദിച്ചിരിക്കുന്നത്. ട്രഷറി നിയന്ത്രണത്തിൽ ഇളവ് വരുത്തിയാണ് ഗവർണറുടെ ക്രിസ്മസ് വിരുന്നിന് പണം അനുവദിച്ചത്.
രാജ്ഭവനിൽ കഴിഞ്ഞ ദിവസമായിരുന്നു പൗര പ്രമുഖർക്കുള്ള ക്രിസ്മസ് വിരുന്ന് നടന്നത്. കേന്ദ്ര വിദേശകാര്യ സഹമന്ത്രി വി മുരളീധരൻ , ചീഫ് സെകട്ടറി ഡോ. വി വേണു, അഡീഷണൽ ചീഫ് സെക്രട്ടറിമാരായ ശാരദാ മുരളീധരൻ, കെ ആർ ജ്യോതിലാൽ, വിവിധ മത-സമുദായ നേതാക്കൾ, വ്യവസായരംഗത്തെ പ്രമുഖർ , പ്രമുഖ സാമൂഹിക വ്യക്തിത്വങ്ങൾ എന്നിവർ ആഘോഷത്തിൽ പങ്കെടുത്തിരുന്നു. ഗവർണറും മറ്റ് അതിഥികളും ചേർന്നു ക്രിസ്മസ് കേക്ക് മുറിക്കുകയും ചെയ്തിരുന്നു.