മിമിക്രിയെ നീണ്ട പത്തു വർഷങ്ങളായുള്ള ആവശ്യത്തിനൊടുവിൽ കലാരൂപമായി അംഗീകരിച്ച് സർക്കാർ. സർക്കാർ ഇതുമായി ബന്ധപ്പെട്ടുള്ള നിയമാവലിയിലെ ഭേദഗതിക്ക് അംഗീകാരം നൽകി. ഇനി മിമിക്രിയും കേരള സംഗീത നാടക അക്കാദമി അംഗീകരിച്ച കലാരൂപങ്ങളുടെ ഒപ്പം ഉണ്ടാകും. അംഗീകാരം ലഭിച്ചത് സാംസ്കാരികവകുപ്പ് സെക്രട്ടറി മിനി ആന്റണിയുടെ ഉത്തരവ് ഭേദഗതിക്കനുസരിച്ചാണ്. കലാകാരൻ കെ.എസ്. പ്രസാദിനെ അക്കാദമിയുടെ ജനറൽ കൗൺസിലിൽ മിമിക്രി ഉൾപ്പെടുത്തി.
നിയമാവലിയിൽ മിമിക്രി നിർവചിക്കപ്പെട്ടിരിക്കുന്നത് ‘വിനോദത്തിനായി, ആരെയെങ്കിലുമോ എന്തിനെയെങ്കിലുമോ അനുകരിക്കാനുള്ള കഴിവ്’ എന്നാണ്. മിമിക്രി കലാകാരന്മാർക്ക് അക്കാദമിയുടെ 33 അംഗ ഭരണസമിതിയിൽ പ്രാതിനിധ്യം, ക്ഷേമപദ്ധതികളിലും, കലാരൂപങ്ങൾക്കുള്ള പുരസ്കാരങ്ങളിലും പരിഗണന എന്നിവയും ഇനിമുതൽ ലഭിക്കും.
നാടകം (വിവിധ രൂപങ്ങൾ), സംഗീതം (വായ്പ്പാട്ട് ഉപകരണസംഗീതവും), വിവിധ നൃത്തങ്ങൾ, പരമ്പരാഗത കേരളീയ കലാരൂപങ്ങൾ (കൂത്ത്, കൂടിയാട്ടം, കൃഷ്ണനാട്ടം, ഓട്ടൻതുള്ളൽ തുടങ്ങിയവ), കഥകളി, നാടൻകലാരൂപങ്ങൾ (തെയ്യം, പടയണി, മുടിയേറ്റ്, ആദിവാസി കലാരൂപങ്ങൾ തുടങ്ങിയവ), പഞ്ചവാദ്യം, ഇടയ്ക്ക, കഥാപ്രസംഗം, തായമ്പക, ചെണ്ട, ക്ഷേത്രകലകൾ എന്നിവയാണ് അക്കാദമിയുടെ അംഗീകാരം ലഭിച്ച മറ്റു കലാരൂപങ്ങൾ.