തിരുവനന്തപുരം: മുംബൈ വിമാനത്താവളത്തിൽ ബോംബ് വയ്ക്കുമെന്ന് ഭീഷണിപ്പെടുത്തിയ യുവാവ് അറസ്റ്റിൽ. മുംബൈ എ ടിഎസ് തിരുവനന്തപുരത്തെത്തിയാണ് പ്രതിയെ അറസ്റ്റ് ചെയ്തത്. കിളിമാനൂർ സ്വദേശി ഫെബിൻ ഷായാണ് അറസ്റ്റിലായത്.
ഇ-മെയിൽ വഴിയാണ് യുവാവ് ഭീഷണി സന്ദേശം അയച്ചത്. അമ്മയുടെ പേരിലുള്ള ബ്രോഡ് ബാന്റ് കണക്ഷൻ ഉപയോഗിച്ചാണ് 23 കാരനായ യുവാവ് ഇ-മെയിലിലൂടെ ഭീഷണി സന്ദേശം അയച്ചത്. കോടിക്കണക്കിന് രൂപ 48 മണിക്കൂറിനകം ബിറ്റ്കോയിൻ രൂപത്തിൽ കൈമാറിയില്ലെങ്കിൽ മുംബൈ വിമാനത്താവളം തർക്കുമെന്നായിരുന്നു ഭീഷണി സന്ദേശത്തിൽ പറഞ്ഞിരുന്നത്.
ഒരു ദശലക്ഷം യു.എസ് ഡോളർ നൽകണമെന്നും അല്ലെങ്കിൽ വിമാനത്താവളത്തിന്റെ ടെർമിനൽ-2 തകർക്കും എന്നുമായിരുന്നു ഇ-മെയിൽ ഭീഷണി.