ന്യൂഡൽഹി: രാജസ്ഥാൻ നിയമസഭാ തെരഞ്ഞെടുപ്പിൽ രണ്ടാംഘട്ട സ്ഥാനാർത്ഥി പട്ടിക പ്രഖ്യാപിച്ച് കോൺഗ്രസ്. 43 സീറ്റുകളിൽ കൂടി കോൺഗ്രസ് സ്ഥാനാർത്ഥികളെ പ്രഖ്യാപിച്ചു. ഇതോടെ 76 നിയമസഭ മണ്ഡലങ്ങളിൽ കോൺഗ്രസിന് സ്ഥാനാർത്ഥികളായി. 35 എംഎൽഎമാരെ രണ്ടാമത്തെ പട്ടികയിൽ കോൺഗ്രസ് നിലനിർത്തിയിട്ടുണ്ട്. ഇതിൽ മൂന്ന് പേർ സ്വതന്ത്രരായി മത്സരിച്ചവരാണ്.
ഗെലോട്ടിന്റെ വിശ്വസ്തനായ മുൻ ചീഫ് സെക്രട്ടറി നിരഞ്ജൻ ആര്യ ഉൾപ്പെടെയുള്ളവർക്ക് കോൺഗ്രസ് സീറ്റ് നൽകി. രാജസ്ഥാനിൽ കഴിഞ്ഞ ദിവസം കോൺഗ്രസ് ആദ്യഘട്ട സ്ഥാനാർത്ഥി പട്ടിക പ്രഖ്യാപിച്ചിരുന്നു.
മുഖ്യമന്ത്രി അശോക് ഗെലോട്ട്, സച്ചിൻ പൈലറ്റ് ഗോവിന്ദ് സിങ് ഡോടാസര, കൃഷ്ണ പൂനിയ, സിപി ജോഷി തുടങ്ങിയ പ്രമുഖരാണ് കോൺഗ്രസിൻറെ ആദ്യ ഘട്ട സ്ഥാനാർത്ഥി പട്ടികയിൽ ഇടംനേടിയത്.