വനിതാ പ്രീമിയർ ലീഗ് 2024 ലേക്കുള്ള ടീമിൽ മാറ്റങ്ങൾ വരുത്തി ക്രിക്കറ്റ് ടീമുകൾ. 2023 സീസണിൽ മുംബൈ ഇന്ത്യൻസ് വനിതാ പ്രീമിയർ ലീഗ് ചാമ്പ്യന്മാരായിത്തീർന്നു, 2024-ലേക്കുള്ള ബ്യൂഗിൾ മുഴങ്ങാനുള്ള സമയമാണിത്. എന്നാൽ തുടക്കം കുറച്ചത് സമ്മിശ്ര വാർത്തകളോടെയാണ് – നിലനിർത്തലുകളുടെയും ഒഴിവാക്കപ്പെട്ടവരുടെയും പട്ടിക പുറത്തു വിട്ടു.മുംബൈ ഇന്ത്യൻസ് ,ഡൽഹി ക്യാപിറ്റൽ,റോയൽ ചലഞ്ചേഴ്സ് എന്നിവർ പ്രധാന കളിക്കാരെ നിലനിർത്തി. നിലവിലെ ടീമുകളിൽ നിന്ന് 29 പേരെയാണ് ഒഴിവാക്കിയത്. മുംബൈ ഇന്ത്യൻസിന്റെ ഹർമൻപ്രീത് കൗർ, ഡൽഹി ക്യാപിറ്റലിന്റെ മെഗ് ലാനിംഗ്, റോയൽ ചലഞ്ചേഴ്സ് ബാംഗ്ലൂരിന്റെ സ്മൃതി മന്ദാന എന്നിവരുൾപ്പെടെ എല്ലാ താരങ്ങളെയും അതത് വനിതാ പ്രീമിയർ ലീഗ് ഫ്രാഞ്ചൈസികൾ (ഡബ്ല്യുപിഎൽ) നിലനിർത്തി.
വനിതാ പ്രീമിയർ ലീഗ് 2024 സീസണിൽ കളിക്കാരെ നിലനിർത്തുന്നതിനുള്ള അഞ്ച് ഫ്രാഞ്ചൈസികൾക്കുള്ള വിൻഡോ ഒക്ടോബർ 15 ന് അവസാനിച്ചിരുന്നു. 21 വിദേശ ക്രിക്കറ്റ് താരങ്ങൾ ഉൾപ്പെടെ 60 കളിക്കാരെ അഞ്ച് ഫ്രാഞ്ചൈസികളിലായി നിലനിർത്തിയപ്പോൾ 29 കളിക്കാരെ നിലവിലെ ടീമിൽ നിന്ന് ഒഴിവാക്കി. ഹീതർ ഗ്രഹാം, സോനം യാദവ്, ധാരാ ഗുജ്ജാർ, നീലം ബിഷ്ത് എന്നിവരും അന്നബെൽ സതർലാൻഡ്, മേഗൻ ഷട്ട് എന്നീ വിദേശ കളിക്കാർ ഒഴിവാക്കപ്പെട്ടവരിൽ ഉൾപ്പെടും.