കരുവന്നൂര് സഹകരണ ബാങ്ക് തട്ടിപ്പില് പ്രാഥമിക സഹകരണ ബാങ്കുകളുടെ സഹായത്തോടെ പ്രത്യേക പാക്കേജ് ഉണ്ടാക്കാനാണ് സിപിഐഎമ്മും സര്ക്കാരും ശ്രമിക്കുന്നതെങ്കില് യുഡിഎഫ് സ്വാഗതം ചെയ്യുന്നുവെന്ന് പ്രതിപക്ഷ നേതാവ് വി ഡി സതീശന്. എന്നാല് സര്ക്കാരിന്റെ ഉദ്ദേശ്യശുദ്ധിയില് ആര്ക്കെങ്കിലും സംശയം തോന്നിയാല് അവരെ കുറ്റപ്പെടുത്താനാകില്ലെന്നും വി ഡി സതീശന് പറഞ്ഞു. ബാങ്ക് കൊള്ളയ്ക്ക് നല്കിയ ഉന്നത സിപിഐഎം നേതാക്കളെ രക്ഷപ്പെടുത്തുക മാത്രമാണ് കരുവന്നൂര് പാക്കേജിലൂടെ സിപിഐഎമ്മും സര്ക്കാരും ലക്ഷ്യമിടുന്നത്.
നിക്ഷേപകര് കബളിപ്പിക്കപ്പെട്ടിരിക്കുന്നത് കരുവന്നൂരില് മാത്രമല്ല. തിരുവനന്തപുരത്തെ കണ്ടലയിലും മുട്ടത്തറയിലും തൃശൂരിലെ അയ്യന്തോളിലും ഉള്പ്പെടെ നൂറുകണക്കിന് നിക്ഷേപകര് വേറെയുമുണ്ട്. നിക്ഷേപകരെ സംരക്ഷിക്കലാണ് സര്ക്കാരിന്റെ ലക്ഷ്യമെങ്കില് ഈ ബാങ്കുകളിലും പാക്കേജ് നടപ്പാക്കണമെന്നും വി ഡി സതീശന് പറഞ്ഞു.