ലോക്സഭാ തിരഞ്ഞെടുപ്പിന് മുന്നോടിയായി എൻ ഡി എ – ജെ ഡി എസ് സഖ്യം കൈകോർത്തു. മുൻ കർണാടക മുഖ്യമന്ത്രിയും ജെ ഡി എസ് നേതാവുമായ എച്ച് ഡി കുമാരസ്വാമി കേന്ദ്ര ആഭ്യന്തര മന്ത്രി അമിത്ഷായുമായുള്ള കൂടിക്കാഴ്ചയ്ക്ക് ശേഷമാണ് സഖ്യ പ്രഖ്യാപനം ഉണ്ടായത്. ഇരുവരുടെയും കൂടിക്കാഴ്ചയുടെ ചിത്രങ്ങൾ എക്സ്സിൽ ബി ജെ പി ദേശീയ അദ്ധ്യക്ഷൻ ജെ പി നഡ് ഡ പങ്കുവച്ചിരുന്നു.
മുതിർന്ന ബി ജെ പി നേതാവ് യെഡിയൂരപ്പ എൻ ഡി എ – ജെ ഡി എസ് സഖ്യം സ്ഥിരീകരിച്ചുകൊണ്ട് മുൻപേതന്നെ രംഗത്തെത്തിയിരുന്നു. 28 ലോക്സഭാ സീറ്റുകളിൽ 4 സീറ്റുകൾ ജെ ഡി എസിന് നൽകുമെന്നാണ് യെഡിയൂരപ്പ പറഞ്ഞത്. എന്നാൽ സീറ്റ് വിഭജനവുമായി ബന്ധപ്പെട്ട ഔദ്യോഗിക വിവരങ്ങൾ ഇതുവരെ പുറത്തുവിട്ടിട്ടില്ല.