ഓസ്ട്രേലിയയ്ക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീമിൽ മലയാളി ക്രിക്കറ്റ് താരം സഞ്ജു സാംസൺ ഉണ്ടായിരുന്നില്ല. ഇപ്പോഴിതാ താരം തന്നെ അതിൽ പ്രതികരണവുമായി എത്തിയിരിക്കുകയാണ്. മുന്നോട്ടുപോകാനാണു തന്റെ തീരുമാനമെന്നു സഞ്ജു സമൂഹമാധ്യമത്തിൽ പ്രതികരിച്ചു. “അത് അങ്ങനെയാണ്, മുന്നോട്ടു പോകാനാണു തീരുമാനം.”- എന്നാണ് സഞ്ജു തന്നെ ഫെയ്സ്ബുക്കിൽ കുറിച്ചത്. നേരത്തേ ഏഷ്യൻ ഗെയിംസ്, ഏഷ്യാ കപ്പ്, ഏകദിന ലോകകപ്പ് മത്സരങ്ങൾക്കുള്ള ഇന്ത്യൻ ടീമുകളിലേക്കും സഞ്ജുവിനെ പരിഗണിച്ചിരുന്നില്ല.
ഈ മാസം 21നാണ് ഓസ്ട്രേലിയയ്ക്കെതിരായ മൂന്ന് മത്സരങ്ങളുള്ള പരമ്പര തുടങ്ങുന്നത്. ഏഷ്യ കപ്പിൽ റിസേർവ് താരമായി സഞ്ജുവും ശ്രീലങ്കയിലേക്ക് പോയിരുന്നു എന്നാൽ രണ്ടു മത്സരങ്ങൾക്ക് ശേഷം രാഹുൽ ടീമിനൊപ്പം ചേർന്നതോടെ സഞ്ജു നാട്ടിലേക്ക് മടങ്ങുകയായിരുന്നു.
ലോകകപ്പിന് തൊട്ടു മുൻപുള്ള പരമ്പരയിൽ സീനിയർ താരങ്ങൾ ഉണ്ടാവില്ല. ആദ്യത്തെ രണ്ട് മത്സരങ്ങൾക്ക് ശേഷമവും സീനിയർ താരങ്ങൾ കളത്തിലേക്ക് ഇറങ്ങുക.