ആരാധകരും സിനിമാ പ്രേമികളും ഒന്നടങ്കം കാത്തിരുന്ന ചിത്രമാണ് മലയ്ക്കോട്ടയ് വാലിബൻ. മോഹൻലാലും ലിജോ ജോസ് പല്ലിശ്ശേരിയും ഒന്നിക്കുന്ന ചിത്രമായത് കൊണ്ട് തന്നെ പ്രേക്ഷകർ ചിത്രത്തിന്റെതായുള്ള ഓരോ അപ്ഡേറ്റുകൾക്കും വേണ്ടി കാത്തിരിക്കുകയായിരുന്നു. ഇപ്പോഴിതാ ചിത്രത്തിന്റെ റിലീസ് തിയ്യതി പുറത്തു വന്നിരിക്കുകയാണ്. അടുത്ത വർഷം ജനുവരി 25 നാണ് സിനിമ പ്രേമികൾ ഒന്നടങ്കം കാത്തിരിക്കുന്ന ചിത്രം തിയേറ്ററുകളിൽ എത്തുന്നത്. ചിത്രത്തിന്റെ റിലീസ് തീയതി അറിയിച്ചുകൊണ്ടുള്ള പോസ്റ്റര് മോഹൻലാല് തന്നെയാണ് ഫെയ്സ്ബുക്കിലൂടെ പുറത്തുവിട്ടത്. നേരത്തെ മോഹൻലാലിന്റെ പിറന്നാളിനോടനുബന്ധിച്ച് ഗ്ലിമ്ബ്സ് വീഡിയോയും ഫസ്റ്റ് ലുക്കും മാത്രമാണ് മലൈക്കോട്ടൈ വാലിബനുമായി ബന്ധപ്പെട്ട് അണിയറ പ്രവര്ത്തകര് പങ്കുവെച്ചിട്ടുള്ളത്. ചിത്രത്തിൽ മോഹൻലാൽ ഗുസ്തിക്കാരനായാണ് വേഷമിടുക എന്നാണ് റിപ്പോർട്ടുകൾ. എന്തായാലും ആരാധകർ ഏറെ ആവേശത്തോടെയാണ് ചിത്രത്തിനായി കാത്തിരിക്കുന്നത്.
2023-09-19