സി പി ഐ എമ്മിനെക്കണ്ടല്ല ഇന്ത്യ സഖ്യം ഉണ്ടായതെന്ന് കെപിസിസി പ്രസിഡന്റ് കെ സുധാകരൻ. ഇന്ത്യ സഖ്യത്തിൽ സിപിഐഎമ്മിന് മാത്രമാണ് എതിരഭിപ്രായമുള്ളത്. താത്പര്യം ഉണ്ടെങ്കിൽ മാത്രം സഖ്യത്തിന്റെ ഭാഗമായ മതിയെന്നും അദ്ദേഹം പറഞ്ഞു. സിപിഐഎം വന്നാലും പോയാലും ഇന്ത്യ സഖ്യം നില നിൽക്കുമെന്നും അദ്ദേഹം കൂട്ടിച്ചേർത്തു. സിപിഐഎം ഇല്ലാത്തതു കൊണ്ട് ഇന്ത്യ സഖ്യം പൊളിയുമെന്നു കരുതുന്നുണ്ടെങ്കിൽ അത് വിഡ്ഢികളുടെ സ്വർഗ്ഗരാജ്യ സങ്കൽപ്പം പോലെയാണ്. ബിജെപിയോടുള്ള തുറന്ന പോരാട്ടത്തിനാണ് ഇന്ത്യ സഖ്യം രൂപീകരിച്ചിട്ടുള്ളത് സി പി ഐ എം കേരളം നേതൃത്വമാണ് എതിർപ്പ് പ്രകടിപ്പിക്കുന്നത്. അതുകൊണ്ട് തന്നെ കേരളത്തിൽ സി പി ഐ എം നേതൃത്വത്തിനെതിരെയായിരിക്കും പോരാട്ടമെന്നും അദ്ദേഹം കൂട്ടിച്ചേർത്തു.
എന്നാൽ ഇന്ത്യ സഖ്യത്തിന്റെ ഏകോപന സമിതിയിൽ ഉണ്ടാവില്ല എന്ന സി പി ഐ എമ്മിന്റെ തീരുമാനത്തെ മാനിക്കുന്നു എന്ന് കെ സി വേണുഗോപാൽ പറഞ്ഞു. പാർട്ടിയുടെ ആദർശം മാറ്റി വച്ച് ഇന്ത്യ മുന്നണിയിൽ ചേരണമെന്ന് പറഞ്ഞിട്ടില്ല എന്നും അദ്ദേഹം വ്യക്തമാക്കി. ഇന്ത്യ മുന്നണിയിൽ ഭിന്നതയില്ലെന്നും അദ്ദേഹം പറഞ്ഞു