ഉത്തേജക മരുന്ന് പരിശോധനയിൽ പരാജയപ്പെട്ടതിനെ തുടർന്ന് പോൾ പോഗ്ബക്ക് സസ്പെൻഷൻ. ഇറ്റലിയിലെ ദേശീയ ഉത്തേജക വിരുദ്ധ ട്രൈബ്യൂണൽ വാർത്ത ഔദ്യോഗികമായി സ്ഥിരീകരിച്ചു. ഓഗസ്റ്റ് 20-ന് സീരി എയിൽ യുഡിനീസിനെതിരായ മത്സരത്തിനു ശേഷം നടന്ന ഉത്തേജക മരുന്ന് പരിശോധനയിലാണ് യുവന്റസ് താരം പരാജയപ്പെട്ടത്. പരിശോധനയിൽ ടെസ്റ്റോസ്റ്റിറോണിന്റെ സാനിധ്യം കണ്ടെത്തിയതിനെ തുടർന്നാണ് നടപടി. പോസിറ്റീവ് ഫലം സ്ഥിരീകരിക്കുന്നതിനായി ബി സാമ്പിളും പരിശോധിക്കുക എന്നതാണ് അടുത്ത ഘട്ടം. അതുവരെ താരം സസ്പെൻഷനിലായിരിക്കും.
ദേശീയ ഉത്തേജക വിരുദ്ധ പ്രോസിക്യൂട്ടറിന്റെ നിർദ്ദേശം അംഗീകരിച്ചുകൊണ്ട്, അത്ലറ്റ് പോൾ ലാബിൽ പോഗ്ബയെ താൽക്കാലികമായി സസ്പെൻഡ് ചെയ്യാൻ വ്യവസ്ഥ ചെയ്യുന്നു എന്ന് നാടോ (NADO) പ്രസ്താവനയിൽ പറഞ്ഞു. നിരോധിത പദാർത്ഥം “നോൺ-എൻഡോജെനസ് ടെസ്റ്റോസ്റ്റിറോൺ മെറ്റബോളിറ്റുകൾ” കണ്ടെത്തിയതിനാൽ പോഗ്ബ ഉത്തേജക വിരുദ്ധ നിയമങ്ങൾ ലംഘിച്ചുവെന്ന് ട്രൈബ്യൂണൽ നിരീക്ഷിച്ചു.
2022 ജൂലൈയിൽ മാഞ്ചസ്റ്റർ യുണൈറ്റഡിൽ നിന്ന് പോഗ്ബ യുവന്റസിലേക്ക് ചേക്കേറിയിരുന്നു
.