വേഡ്പാഡ് സോഫ്റ്റ്വെയർ കൈവിടാനൊരുങ്ങി മൈക്രോസോഫ്റ്റ്. എന്നു മുതലാണ് വേഡ്പാഡ് പിൻവലിക്കുക എന്നു കമ്പനി വ്യക്തമാക്കിയിട്ടില്ല. ഭാവിയിലെ വിൻഡോസ് അപ്ഡേറ്റ് വഴി സോഫ്റ്റ്വെയർ ഒഴിവാക്കുമെന്ന് കമ്പനി അറിയിച്ചു. വിൻഡോസ് ഓപ്പറേറ്റിങ് സിസ്റ്റത്തിലെ അവിഭാജ്യഘടകമായ വേഡ്പാഡ് സോഫ്റ്റ്വെയർ.
ഫോർമാറ്റ് ചെയ്ത ടെക്സ്റ്റ് ഉപയോഗിച്ച് ഡോക്യുമെന്റുകൾ സൃഷ്ടിക്കാനും എഡിറ്റ് ചെയ്യാനും ചിത്രങ്ങളും ലിങ്കുകളും ഉൾപ്പെടുത്താനും ഉപയോക്താക്കളെ അനുവദിക്കുന്ന ഒരു അടിസ്ഥാന ടെക്സ്റ്റ് എഡിറ്റിങ് ആപ്ലിക്കേഷനാണ് വേഡ്പാഡ്. വിൻഡോസ് 95 ഒഎസിന്റെ ഭാഗമായി 1995 മുതൽ ഇത് വിൻഡോസ് കംപ്യൂട്ടറുകളുടെ ഭാഗമാണ്. 30 വർഷത്തിന് ശേഷമാണ് വിൻഡോസിന്റെ ഭാവി റിലീസുകളിൽ നിന്ന് വേഡ് ആപ്ലിക്കേഷൻ നീക്കം ചെയ്യാൻ ബ്രാൻഡ് തീരുമാനിക്കുന്നത്. ബദലായി മൈക്രോസോഫ്റ്റ് വേഡ് ശുപാർശ ചെയ്യുമെന്നാണ് പുറത്തുവരുന്ന വിവരം.