തമിഴ്നാട് മന്ത്രി ഉദയനിധി സ്റ്റാലിന്റെ സനാധനധർമ്മം പരാമർശത്തിൽ പ്രതികരിച്ച് തമിഴ്നാട് ബിജെപി അദ്ധ്യക്ഷൻ കെ അണ്ണാമലൈ. ദക്ഷിണേന്ത്യയുടെ പപ്പുവാണ് ഉദയനിധി സ്റ്റാലിലിനെന്നാണ് പരാമർശം.
രാഹുൽ ഉത്തരേന്ത്യൻ രാഷ്ട്രീയത്തിലെ പപ്പുവാകുമ്പോൾ ദക്ഷിണേന്ത്യൻ രാഷ്ട്രീയത്തിലെ പപ്പു ഉദയനിധിയാണ്.
ഒരു മതത്തിന് നേരെയുള്ള സംഘടിത ആക്രമണമാണ് തമിഴ്നാട് സർക്കാരിന്റെ നേതൃത്വത്തിൽ നടക്കുന്നത്. ഉദയനിധി സ്റ്റാലിൻ നടത്തിയത് വംശഹത്യയ്ക്കുള്ള ആഹ്വാനമാണെന്നും അണ്ണാമലൈ വ്യക്തമാക്കിയിരുന്നു.
ഇത്തരം വാചകകസർത്തുകൾ അവർക്ക് തന്നെ ദോഷം ചെയ്യും. ഐഎൻഡിഐഎ സഖ്യത്തിൽ ഡിഎംകെ വോട്ടിംഗ് ഇതിനകം തന്നെ വെറും അഞ്ച് ശതമാനമായി കുറഞ്ഞു. ഉദയനിധി ഇത്തരം പരാമർശങ്ങൾ തുടരുകയാണെങ്കിൽ, ഐഎൻഡിഐഎ സഖ്യത്തിന് അവരുടെ വോട്ടുകളിൽ 20 ശതമാനം വരെ ഇടിവുണ്ടാകുമെന്നും അണ്ണാമലൈ കൂട്ടിച്ചേർത്തു.
കഴിഞ്ഞ ദിവസം ചെന്നൈയിൽ സംഘടിപ്പിച്ച പരിപാടിയിലാണ് ഉദയനിധി സ്റ്റാലിൻ വിവാദ പരാമർശം നടത്തിയത്. അതിനുശേഷം നിരവധിപേരാണ് ഉദയനിധിക്കെതിരെ രംഗത്ത് വന്നത്.