ന്യൂ ഡൽഹി : കേരളത്തിന് രണ്ടാമത്തെ വന്ദേഭാരത് റെയിൽവേ അനുവദിച്ചു. ഇന്ന് വൈകിട്ട് മംഗലാപുരത്ത് നിന്ന് 8 കോച്ചുകൾ അടങ്ങിയ നിറത്തിലും ഡിസൈനിലും മാറ്റം വരുത്തിയ റേക്കാണ് കേരളത്തിലേക്ക് പുറപ്പെടുന്നത്. മംഗലാപുരം- എറണാകുളം, മംഗലാപുരം – തിരുവനന്തപുരം എന്നിങ്ങനെ രണ്ട് റൂട്ടുകളാണ് പുതുതായി അനുവദിച്ച വന്ദേ ഭാരതത്തിന് നൽകാൻ പോകുന്നത്.
എന്നാൽ മംഗലാപുരം- തിരുവനന്തപുരം അനുവദിക്കണമെങ്കിൽ രണ്ട് റേക്കുകൾ കൂടി വേണ്ടി വരുമെന്നാണ് അധികൃതർ വിലയിരുത്തുന്നത്. കേന്ദ്രം അനുവദിക്കുന്ന രണ്ടാമത്തെ വന്ദേഭാരതിനായി കേരളം കാത്തിരിക്കുകയായിരുന്നു. ഈ സാഹചര്യത്തിൽ പുതിയ വന്ദേ ഭാരത് കേരളത്തിനുള്ള കേന്ദ്രത്തിന്റെ ഓണസമ്മാനം ആണ്. രാജ്യത്തെ ഏറ്റവും ജനത്തിരക്കുള്ള വന്ദേ ഭാരത് തിരുവനന്തപുരം- കാസർഗോഡ് ആണെന്ന് അടുത്തിടെ റെയിൽവേ വ്യക്തമാക്കിയിരുന്നു.