കോട്ടയം : മാധ്യമങ്ങളുടെ ഔദാര്യം പറ്റി മന്ത്രിയായ വ്യക്തിയല്ല മുഖ്യമന്ത്രി പിണറായി വിജയൻ. എല്ലാ ആരോപണങ്ങൾക്കും മറുപടി നൽകേണ്ട കാര്യവുമില്ല. മാസപ്പടി വിവാദങ്ങൾക്ക് അദ്ദേഹം മറുപടി പറയേണ്ട കാര്യമില്ലെന്നും , പറയേണ്ട സമയത്ത് കൃത്യമായ മറുപടി നൽകിയിട്ടുണ്ടെന്നും മുഖ്യമന്ത്രി പത്രപുത്രനല്ലെന്നും മന്ത്രി വി. എൻ വാസവൻ. ചില നേതാക്കൾ ദിവസവും ഫോട്ടോയും വാർത്തയും മാധ്യമങ്ങളിൽ വന്നില്ലെങ്കിൽ ഫീൽഡ് ഔട്ട്‌ ആയേക്കാം എന്നാൽ ഇടതുപക്ഷ രാഷ്ട്രീയത്തിൽ അങ്ങനെയൊരു പ്രശ്നമില്ല.
കാലുവാരാനും ചോദ്യം ചെയ്യാനും സ്ഥാനം തട്ടിയെടുക്കാനുമുള്ള പ്രവണതകൾ ഉള്ള സ്വഭാവം ഇടതുപക്ഷത്തിനില്ലെന്നും മുഖ്യമന്ത്രി പറയേണ്ട കാര്യങ്ങൾ കൃത്യ സമയത്ത് പറയുന്നുണ്ടെന്നും അദ്ദേഹം കൂട്ടിച്ചേർത്തു. ഒരു പത്രപുത്രനായതിലൂടെ നേതാവായ വ്യക്തിയല്ല പിണറായി വിജയൻ, സ്വന്തം നിശ്ചയദാർഢ്യത്തിലൂടെ ഏതു പ്രതിസന്ധികളെയും മറികടന്നു വന്ന നേതാവാണ്, സഹനശക്തിക്ക് ഒരു ഓസ്കാർ അവാർഡ് കൊടുത്താൽ അത് കേരളത്തിലെ മുഖ്യമന്ത്രിക്ക് ലഭിക്കുമെന്നും മന്ത്രി വാസവൻ പറഞ്ഞു.