ബ്രിജ്ടൗൺ : വെസ്റ്റ് ഇൻഡീസിനെതിരായ രണ്ടാം ഏകദിനത്തിൽ ഇന്ത്യ പരാജയപ്പെട്ടെങ്കിലും മത്സരത്തിൽ ഇഷാൻ കിഷൻ കാഴ്‌ച വച്ചത് മികച്ച പ്രകടനം ആയിരുന്നു. 55 റൺസ് നേടി പുറത്താകുമ്പോൾ തുടർച്ചയായി രണ്ടാം മത്സരത്തിലും അർദ്ധ സെഞ്ച്വറി നേടിയിരിക്കുകയാണ് താരം. ഒന്നാം വിക്കറ്റിൽ ശുഭമാൻ ഗില്ലുമായി ചേർന്ന് 90 റൺസ് കരസ്ഥമാക്കുകയും ചെയ്തു. ഇന്ത്യയ്ക്ക് വേണ്ടി സച്ചിൻ ഏകദിനത്തിൽ ഓപ്പണിങ് ബാറ്ററായി ആദ്യ 5 ഇന്നിങ്സിൽ നേടിയ റൺസിന്റെ മുൻ റെക്കോർഡ് ഇതോടെ ഇഷാൻ കിഷൻ തകർത്തു.
ആദ്യത്തെ 5 ഇന്നിങ്സിൽ സച്ചിൻ നേടിയത് 321 റൺസായിരുനെങ്കിൽ ഇഷാൻ കിഷൻ കഴിഞ്ഞ മത്സരത്തിൽ 55 റൺസ് നേടിയതോടെ താരത്തിന്റെ നേട്ടം 348 ആയി ഉയർന്നു. കഴിഞ്ഞ വർഷം വെസ്റ്റ് ഇൻഡീസിനെതിരെ നടന്ന മത്സരത്തിലാണ് ആദ്യമായി ഇഷാൻ കിഷൻ ഓപ്പണറായത്. 1994 ൽ സച്ചിൻ നേടിയ റെക്കോർഡ് തകർക്കാൻ താരത്തിനെ സഹായിച്ചത് നിലവിൽ നടന്ന കൊണ്ടിരിക്കുന്ന മത്സരങ്ങളിലെ മികച്ച പ്രകടനമാണ്.