ഡെല്അവീവ്: ഇസ്രായേലിലെ ഇന്ത്യക്കാര്ക്ക് ജാഗ്രതാ നിര്ദ്ദേശം നല്കി ഇസ്രായേലിലെ ഇന്ത്യന് എംബസി. ഇസ്രായേല് – ഫലസ്തീന് സംഘര്ഷം രൂക്ഷമായി തുടരുന്ന സാഹചര്യത്തിലാണ് രാജ്യത്തെ ഇന്ത്യക്കാര്ക്ക് ജാഗ്രതാ നിര്ദേശം നല്കിയത്.
ഇന്ത്യക്കാര് ജാഗ്രത പാലിക്കണമെന്നും പ്രാദേശിക ഭരണകൂടം നല്കുന്ന സുരക്ഷാ പ്രോട്ടോകോള് പാലിക്കണമെന്നും എംബസി നിര്ദ്ദേശം നല്കുന്നു. അടിയന്തര സഹായത്തിന് ഹെല്പ്പ് ലൈന് നമ്പറും എംബസി പുറത്തിറക്കിയിട്ടുണ്ട് .+972549444120 ആണ് നമ്പര്.
എമർജൻസി നമ്പറിൽ സേവനം ലഭ്യമായില്ലെങ്കിൽ cons1.telaviv@mea.gov.in -എന്ന ഇ മെയിൽ ഐഡിയിൽ ഒരു സന്ദേശം നൽകണമെന്നും എംബസി ആവശ്യപ്പെടുന്നു. എല്ലാ തരം മാർഗനിർദേശങ്ങളും നൽകാൻ എംബസി അധികൃതർ തയ്യാറാണെന്നും ജാഗ്രത പാലിക്കണമെന്നും, ഫേസ്ബുക്കിലൂടെ മലയാളം, തെലുങ്ക്, തമിഴ്, ഹിന്ദി എന്നിങ്ങനെ വിവിധ പ്രാദേശിക ഭാഷകളിൽ പുറത്തിറക്കിയ വാർത്താക്കുറിപ്പുകളിൽ ടെൽ അവീവിലെ ഇന്ത്യൻ എംബസി വ്യക്തമാക്കുന്നു.