ഡോക്ടർമാരോട് ക്യാപിറ്റൽ ലെറ്റേഴ്സിൽ പ്രിസ്ക്രിപ്ഷൻ എഴുതണമെന്ന് ഒഡീഷ ഹൈക്കോടതി. ഡോക്ടർമാരുടെ ഭാഷ പലപ്പോഴും മനസ്സിലാകാതെ വരുന്ന സാഹചര്യങ്ങൾ നാം നേരിടാറുണ്ട്. ഇപ്പോഴിതാ അതിനു പരിഹാരവുമായി എത്തിയിരിക്കുകയാണ് ഒഡീഷ ഹൈക്കോടതി. മരുന്ന് കുറിപ്പടികൾ, പോസ്റ്റുമോർട്ടം റിപ്പോർട്ടുകൾ, മെഡിക്കോ-ലീഗൽ രേഖകൾ തുടങ്ങിയവ വൃത്തിയായും ക്യാപിറ്റൽ ലെറ്ററിലും എഴുതണമെന്നാണ് ഒഡീഷ ഹൈക്കോടതി നിർദേശിച്ചിരിക്കുന്നത്.
കോടതിയിൽ രസാനന്ദ ഭോയ് എന്നയാളുടെ ഹർജി പരിഗണയ്ക്കവെയാണ് കോടതി ഉത്തരവ് പുറപ്പെടുവിപ്പിച്ചത്. ഇയാൾ സമർപ്പിച്ച പോസ്റ്മാര്ട്ടും റിപ്പോർട്ട് കോടതിക്ക് മനസ്സിലാക്കാൻ ബുദ്ധിമുട്ട് നേരിട്ടിരുന്നു, സമാനമായി 2020-ലും ഒറീസ ഹൈക്കോടതി ഉത്തരവ് പുറപ്പെടിവിപ്പിച്ചിരിന്നു. മരുന്നുകുറിപ്പടി യാതൊരുതരത്തിലുള്ള അനിശ്ചിതത്വത്തിനും ഇടവരുത്തരുതെന്നായിരുന്നു അന്നത്തെ ഉത്തരവ്.