മനുഷ്യന് ഒരു ദിവസം പ്രവർത്തിക്കാനാവശ്യമായ ഊർജം ലഭിക്കുന്നത് പ്രഭാത ഭക്ഷണത്തിലൂടെയാണ്. വയറ് നിറയെ എന്തെങ്കിലും കഴിക്കുകയല്ല, മറിച്ച് ശരീരത്തിന് വേണ്ടത് കഴിക്കുകയാണ് ചെയ്യേണ്ടത്. ചില ഭക്ഷണ ശീലങ്ങൾ രാവിലെ ഒഴിവാക്കണം. അവ ഏതൊക്കെയാണെന്ന് നോക്കാം.
കാപ്പി
വെറും വയറ്റിൽ കാപ്പി കുടിക്കുന്നത് ആരോഗ്യത്തിന് തീരെ നല്ലതല്ല. ഇത് അസിഡിറ്റിയ്ക്ക് കാരണമാകും.
സിട്രിക് പഴങ്ങൾ
ഓറഞ്ച്, തക്കാളി പോലുള്ള സിട്രിക് പഴങ്ങൾ രാവിലെ ഒഴിവാക്കണം. പ്രതിരോധശേഷി വർധിപ്പിക്കാനും ചർമത്തിന്റെ ആരോഗ്യത്തിനും വിറ്റാമിൻ സി അടങ്ങിയ പഴങ്ങൾ നല്ലതാണെങ്കിലും ഇവ രാവിലെ കഴിക്കുന്നത് നെഞ്ചെരിച്ചിലിനും അസിഡിറ്റിക്കും കാരണമാകുമെന്ന് വിദഗ്ധർ പറയുന്നു.
യോഗർട്ട്
ദഹനത്തിന് സഹായിക്കുന്ന ഭക്ഷണമാണ് യോഗർട്ട്. എന്നാൽ രാവിലെ വെറും വയറ്റിൽ യോഗർട്ട് കഴിക്കുന്നത് വിപരീത ഫലം ഉണ്ടാക്കും. രാവിലെ ശരീരത്തിന് ആവശ്യമായ ഭക്ഷണം നൽകിയ ശേഷം പിന്നീട് യോഗർട്ട് കഴിക്കാം. എങ്കിലേ ഗുണം ലഭിക്കുകയുള്ളൂവെന്നും വിദഗ്ധർ അറിയിച്ചു.
ഫ്രൈ ചെയ്ത ഭക്ഷണങ്ങൾ
ചിക്കൻ ഫ്രൈ, ലിവർ ഫ്രൈ പോലുള്ള ഭക്ഷണങ്ങൾ ബ്രേക്ക്ഫാസ്റ്റിൽ ഉൾപ്പെടുത്തരുതെന്നാണ് ന്യൂട്രീഷൻമാർ പറയുന്നത്. ഫ്രൈ വിഭവങ്ങൾ കഴിക്കുന്നത് കൂടുതൽ ക്ഷീണം ഉണ്ടാക്കുമെന്നും വിദഗ്ധർ വ്യക്തമാക്കുന്നു.