ധാരാളം ബയോആക്ടീവ് സംയുക്തങ്ങൾ അടങ്ങിയ ഒരു ഫലവർഗമാണ് സ്ട്രോബറി. ഹൃദയത്തിന്റെ ആരോഗ്യം വർദ്ധിപ്പിക്കുന്ന ആരാണ് പോഷകങ്ങൾ സ്ട്രോബറിയിൽ ഉണ്ട്. ഫോളേറ്റ്, പൊട്ടാസ്യം, ഫൈബർ, പോളിഫെനോൾസ് തുടങ്ങിയ ഘടകങ്ങളും സ്ട്രോബറിയിൽ അടങ്ങിയിരിക്കുന്നു. അതിനാൽ തന്നെ ഇത് ആരോഗ്യത്തിന് അത്യുത്തമമാണ്.
ചീത്ത കൊളസ്ട്രോൾ കുറയ്ക്കാൻ മികച്ച ഒരു ഫലവർഗം ആണിത്. സ്ട്രോബറിയിൽ അടങ്ങിയിട്ടുള്ള പൊട്ടാസ്യം രക്തസമ്മർദ്ദം കുറയ്ക്കും. അമിതവണ്ണം കുറയ്ക്കാൻ ആഗ്രഹിക്കുന്നവർ സ്ട്രോബറി ഭക്ഷണത്തിൽ ഉൾപ്പെടുത്തുന്നത് നല്ലതാണ്. ഇതിലുള്ള ഫൈബർ ആണ് അമിതവണ്ണം കുറയ്ക്കാൻ സഹായിക്കുന്നത്. ശരീരത്തിലെ അനാവശ്യ കൊഴുപ്പ് കുറയ്ക്കാനും സ്ട്രോബറി കഴിക്കുന്നത് ഗുണം ചെയ്യും. സലാഡ് രൂപത്തിലും ജ്യൂസ് ആയും സ്മൂത്തിയായും സ്ട്രോബറി ഭക്ഷണത്തിൽ ഉൾപ്പെടുത്തുന്നത് വളരെ നല്ലതാണ്.
സ്ട്രോബറിയിൽ അടങ്ങിയിരിക്കുന്ന വൈറ്റമിൻ സി അണുബാധകൾക്കെതിരെ പ്രവർത്തിക്കുകയും രോഗ പ്രതിരോധശേഷി വർധിപ്പിക്കുകയും ചെയ്യും. ഹൃദയാരോഗ്യം സംരക്ഷിക്കാനും ഈ ഫലവർഗം സഹായിക്കും.