നടി ഹന്സികയെ അപമാനിക്കുന്ന തരത്തില് വേദിയിലെത്തി റോബോ ശങ്കർ നടത്തിയ പരാമർശം വിവാദമാകുന്നു. ആദി പിനിഷെട്ടിയും ഹന്സികയും കേന്ദ്രകഥാപാത്രങ്ങളാകുന്ന പാര്ട്ണര് സിനിമയുടെ ട്രെയിലർ ലോഞ്ചിനിടെയാണ് സംഭവം.
‘‘സിനിമയില് ഒരു രംഗമുണ്ട്. ഹന്സികയുടെ കാല് ഞാന് തടവണം. ആ സീന് ചെയ്യാന് ഹന്സിക അനുവദിച്ചില്ല. ഞാനും ഡയറക്ടറും കെഞ്ചി ചോദിച്ചു. കാല്വിരല് മാത്രമേ തടവൂ എന്ന് പറഞ്ഞു. പക്ഷേ പറ്റില്ലെന്ന് ഹന്സിക തീര്ത്ത് പറഞ്ഞു. ഹീറോ ആദി മാത്രമേ എന്നെ തൊടാവൂ. മറ്റാര്ക്കും പറ്റില്ലെന്ന് പറഞ്ഞു. ഹീറോ ഹീറോയാണെന്ന് അപ്പോഴാണ് മനസ്സിലായത്.’’– റോബോ ശങ്കറിന്റെ ഈ പരാമര്ശമാണ് ഇപ്പോള് വിവാദമായിരിക്കുന്നത്.
റോബോ ശങ്കറിന്റെ വാക്കുകള് കേട്ട് വേദിയിലിരുന്ന ഹന്സിക അസ്വസ്ഥയായി. ചിരിക്കാൻ ശ്രമിക്കുന്ന നടി ഇടയ്ക്ക് ഒപ്പമിരിക്കുന്ന നടൻ ആദി പിനിഷെട്ടിയോട് കാര്യമായി സംസാരിക്കുന്നതും വിഡിയോയിൽ കാണാൻ സാധിക്കുന്നുണ്ട്.