ഔഷധകഞ്ഞി ശരീരപുഷ്ടിക്കും ആയുരാരോഗ്യ വർദ്ധനവിനുമായി മലയാളികൾ കർക്കടകത്തിലാണ് കഴിക്കുന്നത്. ആയുർവേദ/ നാട്ടുവൈദ്യ വിധിപ്രകാരം ‘സുഖചികിത്സ’ നടത്തുന്നതും കർക്കടകത്തിലാണ്.
വയ്ക്കുന്ന വിധം:
- ഞവരയരി / നെല്ലു കുത്തരി / ഉണക്കലരി ആവശ്യത്തിന് മേടിച്ച് ഉപയോഗിക്കുക. 3 പേർക്ക് കഴിക്കാനുള്ള മരുന്നാണിത്. അത് അനുസരിച്ച് അരി എടുക്കാം.2. കുറുന്തോട്ടി – വേര് മാത്രം 3.മുക്കുറ്റി, കീഴാർ നെല്ലി, ചെറൂള, തഴുതാമ, മുയൽ ചെവിയൻ, ബലിക്കറുക, ചെറുകടലാടി, പൂവാംകുറി ന്നില – ഇവയെല്ലാം തൊട്ടുരിയാടാതെ പറിച്ച് നന്നായി കഴുകി ചതച്ചെടുക്കുക. 4. ഉലുവ, ആശാളി (അങ്ങാടി കടയിൽ ലഭിക്കും) ഇവ പൊടിച്ച് എടുക്കുക. 5. കക്കുംകായ – പരിപ്പ് (അങ്ങാടി കടയിൽ കിട്ടും), 6. ചെറുപയർ – പൊടിച്ചു ചേർക്കുക. ഈ സാധനങ്ങൾ എല്ലാം കൂടി 30gm/60gm ചതച്ച് നന്നായി കിഴികെട്ടി അരിയിൽ ഇട്ട് കഞ്ഞി വച്ച് കഴിക്കുക. ആവിശ്യമെന്നാൽ തേങ്ങ പീര ഇടാം, ജീരകം, ചുവന്നുള്ളി ഇവ നെയ്യിൽ ചേർത്ത് വറുത്ത് ചേർക്കാം . ആവശ്യമുണ്ടെങ്കിൽ ഇന്തുപ്പ് / കല്ലുപ്പ് ചേർക്കാം. രാത്രിയിൽ ഒരു നേരമെങ്കിലും മരുന്ന് കഞ്ഞി കഴിക്കുക. മരുന്ന്കിഴി ഓരോ ദിവസവും പുതിയത് വേണം എടുക്കാൻ. ഇത് കഴിക്കുമ്പോൾ മുരിങ്ങയില, മത്സ്യ മാംസാദികൾ ഇവ ഒഴിവാക്കുക. ചേന, ചേമ്പ് തുടങ്ങിയവ കൂടുതൽ കറികളിൽ ഉൾപ്പെടുത്തുക.