തന്റെ കരിയറിന്റെ തുടക്കകാലത്ത് താൻ നേരിട്ട പ്രശ്നങ്ങളെ കുറിച്ച് തുറന്നു പറഞ്ഞ നടി സംയുക്ത. കരിയറിൽ അനിശ്ചിതാവസ്ഥ ഉണ്ടായിരുന്നുവെന്നാണ് താരത്തിന്റെ വെളിപ്പെടുത്തൽ. ഒരു സ്വകാര്യ മാദ്ധ്യമത്തിന് നൽകിയ അഭിമുഖത്തിലാണ് സംയുക്ത ഇക്കാര്യം വ്യക്തമാക്കിയത്.
തന്റെ ബാങ്ക് ബാലൻസ് കാലിയായി കുടുംബം നോക്കാൻ പറ്റാത്ത അവസ്ഥ വന്നിരുന്നു. കൊച്ചിയിൽ ഗ്രാന്റ് പാരന്റ്സിനൊപ്പമാണ് കഴിഞ്ഞിരുന്നത്. ഞാൻ സ്ട്രഗിൾ ചെയ്യുകയാണെന്ന് കുടുംബം അറിയരുതായിരുന്നു. അവരെ സംബന്ധിച്ച് താൻ ഓക്കെയാണ്. പക്ഷെ തന്റെ ബാങ്ക് ബാലൻസ് ഏറെക്കുറെ കാലിയായി. കുടുംബം നോക്കാൻ പറ്റാത്ത അവസ്ഥയായിരുന്നുവെന്നും താരം പറഞ്ഞു.
തനിക്ക് ഒരു സിനിമ വേണം, നല്ല സംവിധായകനും അറിയപ്പെടുന്ന നായകനുമുള്ള നല്ല പ്രൊഡക്ഷൻ ഹൗസിന്റെ സിനിമ വേണമെന്ന് ഒരു ദിവസം രാത്രി താൻ സ്വയം പറഞ്ഞു. ഒരാഴ്ചയ്ക്കുള്ളിൽ തനിക്ക് തീവണ്ടി എന്ന സിനിമ ലഭിച്ചുവെന്നും സംയക്ത കൂട്ടിച്ചേർത്തു.