അരൺമനൈ എന്ന തമിഴ് ചിത്രത്തിന്റെ നാലാം ഭാഗം എത്തുന്നു. അരൺമനൈ 4 എന്ന പേരിലാണ് ചിത്രം ഒരുങ്ങുന്നത്. മുൻ ചിത്രങ്ങൾ സംവിധാനം ചെയ്ത നടൻ സുന്ദർ സി തന്നെയാണ് അരൺമനൈ ഒരുക്കുന്നത്. തമിഴ് ഹൊറർ കോമഡി ചിത്രമായിരിക്കും അരൺമനൈ 4. തമന്നയും റാഷി ഖന്നയുമാണ് ചിത്രത്തിലെ നായികമാർ. യോഗി ബാബു, വിടിവി ഗണേഷ്, ഡൽഹി ഗണേഷ്, കോവൈ സരള തുടങ്ങിയവരാണ് ചിത്രത്തിലെ മറ്റ് താരങ്ങൾ.
ഇ കൃഷ്ണമൂർത്തിയാണ് ചിത്രത്തിന്റെ ഛായാഗ്രഹണം നിർവ്വഹിച്ചിരിക്കുന്നത്. ഹിപ്ഹോപ്പ് തമിഴയാണ് സംഗീതം. സുന്ദറിന്റെ ഭാര്യയും നടിയുമായ ഖുശ്ബുവാണ് സിനിമ നിർമിക്കുന്നത്. ഏപ്രിൽ 11ന് ചിത്രം റിലീസ് ചെയ്യും.
2014ൽ ആയിരുന്നു അരൺമനൈ 1 പുറത്തിറങ്ങിയത്. സുന്ദർ, ഹൻസിക മോട്വാനി, വിനയ് റായ്, ആൻഡ്രിയ ജെറമിയ തുടങ്ങിയവരാണ് ചിത്രത്തിൽ പ്രധാനവേഷത്തിൽ എത്തിയത്. അരൺമനൈ 2 2016 ലും അരൺമനൈ 3 2021 ലുമാണ് റിലീസ് ചെയ്തത്.