മലയാളികളുടെ പ്രിയപ്പെട്ട നായകന്മാരിൽ ഒരാളാണ് കുഞ്ചാക്കോ ബോബൻ. അനിയത്തിപ്രാവ് എന്ന സിനിമ മുതൽ മലയാളികൾ നെഞ്ചിലേറ്റിയ നായകൻ. ചാക്കോച്ചൻ എന്ന വിളി പേരിലാണ് താരം അറിയപ്പെടുന്നത് തന്നെ. ചാക്കോച്ചനെ പോലെ തന്നെ അദ്ദേഹത്തിന്റെ ഭാര്യ പ്രിയയും മകൻ ഇസഹാക്ക് ബോബനും പ്രേക്ഷകർക്ക് വളരെയധികം പ്രിയപ്പെട്ടവരാണ്. ഇവരുടെ വിശേഷങ്ങൾ എല്ലാം തന്നെ ആരാധകർ ഏറ്റെടുക്കാറുണ്ട്. ഇത്തരത്തിൽ കുടുംബത്തോടൊപ്പം ഉള്ള കുഞ്ചാക്കോ ബോബന്റെ ചിത്രങ്ങളാണ് ഇപ്പോൾ വൈറൽ ആയിരിക്കുന്നത്.
അവധിക്കാലം ആഘോഷിക്കാൻ വേണ്ടി കാശ്മീരിൽ എത്തിയിരിക്കുകയാണ് കുഞ്ചാക്കോ ബോബനും കുടുംബവും. കാശ്മീരിൽ നിന്നുള്ള താരത്തിന്റെ ചിത്രങ്ങളാണ് സാമൂഹ്യ മാധ്യമങ്ങളിൽ വൈറലാകുന്നത്. താരം തന്നെയാണ് ഈ ചിത്രങ്ങൾ പങ്കുവെച്ചിരിക്കുന്നത്. കശ്മീർ യാത്രയുടെ വീഡിയോകളും കുഞ്ചാക്കോ ബോബൻ ഷെയർ ചെയ്തിട്ടുണ്ട്. സ്വർഗ്ഗത്തിന് മറ്റൊരു പേരുണ്ട്, അത് കാശ്മീരാണെന്നും ചാക്കോച്ചൻ പറയുന്നു.
മഞ്ഞു പുതച്ച് നിൽക്കുന്ന കശ്മീരിന്റെ കുളിരിൽ അവധിക്കാലം ആഘോഷിക്കുകയാണ് കുഞ്ചാക്കോ ബോബനും കുടുംബവും. ചിത്രത്തിന് താഴെ നിരവധി പേർ കമന്റ് ചെയ്തിട്ടുണ്ട്. വർഷങ്ങളുടെ കാത്തിരിപ്പിന് ശേഷമാണ് കുഞ്ചാക്കോ ബോബൻ- പ്രിയ ദമ്പതികൾക്ക് മകൻ ഇസഹാക്ക് ജനിക്കുന്നത്. 2019 ഏപ്രിൽ 16നായിരുന്നു ഇസഹാക്ക് ജനിച്ചത്. ഇസഹാക്കിന്റെ ചിത്രങ്ങൾ എല്ലാം കുഞ്ചാക്കോ ബോബൻ സാമൂഹ്യ മാധ്യമങ്ങളിലൂടെ പങ്കുവയ്ക്കാറുണ്ട്.