കന്നഡ ബിഗ് ബോസ് മത്സരാർത്ഥി സോനു ശ്രീനിവാസ് ഗൗഡ അറസ്റ്റിൽ. ശരിയായ നടപടിക്രമങ്ങൾ പാലിക്കാതെ പെൺകുഞ്ഞിനെ ദത്തെടുത്തു എന്നാരോപിച്ചാണ് അറസ്റ്റ്. സോഷ്യൽ മീഡിയ ഇൻഫ്ളുവൻസർ കൂടിയായ സോനു ശ്രീനിവാസ് ഗൗഡക്കെതിരെ പൊലീസിൽ പരാതി നൽകിയത് ശിശു ക്ഷേമ സമിതിയിലെ ഒരു ഉദ്യോഗസ്ഥനാണ്.
സഹതാപവും സെലിബ്രിറ്റി പദവിയും നേടാനുള്ള തന്ത്രമായാണ് കുഞ്ഞിനെ ദത്തെടുത്തത് എന്നാണ് ചെൽഡ് പ്രൊട്ടക്ഷൻ ഓഫീസിൽ നിന്നുള്ള പരാതിയിൽ പറയുന്നത്. തുടർന്ന് ബ്യാദരഹള്ളി പോലീസ് ഇവരുടെ അറസ്റ്റ് രേഖപ്പെടുത്തി. താരം പെൺകുട്ടിയെ ദത്തെടുത്ത് വീട്ടിലേക്ക് കൊണ്ടുവന്നത് 15 ദിവസങ്ങൾക്ക് മുൻപാണ്. ദത്തെടുക്കൽ സംബന്ധിച്ച കൂടുതൽ വിവരങ്ങൾക്കായി പൊലീസ് ഇവരെ ചോദ്യം ചെയ്ത് വരികയാണ്.
കർണാടകയിലെ റൈച്ചൂരിൽ നിന്ന് എട്ട് വയസുകാരിയെ ദത്തെടുത്തു എന്ന് പറഞ്ഞുകൊണ്ട് സോനു ഇൻസ്റ്റഗ്രാമിൽ റീൽ പങ്കുവച്ചിരുന്നു. ഇതോടെ സംഭവം വലിയ രീതിയിൽ ചർച്ചയാകുകയായിരുന്നു.