ദുബായ്: ജന്മദിനത്തിൽ സ്വർണ്ണകേക്ക് മുറിച്ച് സിനിമാ നടി. ബോളിവുഡ് നടി ഉർവശി റൗട്ടേലയാണ് തന്റെ 30-ാം ജന്മദിനത്തിൽ സ്വർണ്ണകേക്ക് മുറിച്ചത്. ലവ് ഡോസ് 2 വിന്റെ സെറ്റിൽ വെച്ചായിരുന്നു ആഘോഷങ്ങൾ.
24 കാരറ്റ് കേക്കാണ് താരം മുറിച്ചത്. ഗായകൻ ഹണി സിംഗും ആഘോഷ ചടങ്ങിൽ പങ്കെടുത്തു. ഹണി സിംഗാണ് സ്വർണ്ണ പിറന്നാൾ കേക്ക് നടിക്ക് സമ്മാനിച്ചതെന്നും റിപ്പോർട്ടുകളുണ്ട്. ജന്മദിന ആഘോഷത്തിന്റെ ചിത്രങ്ങൾ ഉർവശി റൗട്ടേല തന്റെ ഇൻസ്റ്റാഗ്രാമം പേജിലൂടെ പങ്കുവെച്ചിട്ടുണ്ട്. ചിത്രങ്ങൾ ഇതിനോടകം തന്നെ വൈറലായിരിക്കുകയാണ്.
014ൽ പുറത്തിറങ്ങിയ ‘ലവ് ഡോസ്’ എന്ന ആൽബത്തിൽ ഹണി സിംഗും ഉർവശി റൗട്ടേലയും ഒന്നിച്ച് എത്തിയിരുന്നു. ഇതിന്റെ രണ്ടാം ഭാഗമാണ് ലവ് ഡോസ് 2. അക്ഷയ് കുമാറിനൊപ്പമുള്ള ‘വെൽക്കം 3’, ബോബി ഡിയോൾ, ദുൽഖർ സൽമാൻ, നന്ദമുരി ബാലകൃഷ്ണ എന്നിവരോടൊപ്പമുള്ള ‘എൻബികെ 109’, സണ്ണി ഡിയോൾ, സഞ്ജയ് ദത്ത് എന്നിവർക്കൊപ്പമുള്ള ‘ബാപ്’ ഉൾപ്പെടെ നിരവധി പ്രോജക്ടുകളിൽ ഉർവശി വേഷമിടുന്നുണ്ട്.