ഇന്ത്യന് മുഖ്യധാരാ സിനിമ എന്നുപറഞ്ഞാല് വിദേശികളെ സംബന്ധിച്ച് ബോളിവുഡ് എന്നായിരുന്നു അര്ഥം, അടുത്ത കാലം വരെ. എന്നാല് ഇന്ന് വിദേശ മാര്ക്കറ്റുകളില് തെന്നിന്ത്യന് സിനിമകളും നേട്ടമുണ്ടാക്കുന്നുണ്ട്. എന്നിരിക്കിലും ബോളിവുഡിന്റെ ഗ്ലാമര് പൊയ്പ്പോയിട്ടില്ല. ഇന്നും പോസിറ്റീവ് അഭിപ്രായം വന്നാല് ഒരു ബോളിവുഡ് സിനിമ നേടുന്ന കളക്ഷന് സ്വന്തമാക്കാന് തെന്നിന്ത്യന് സിനിമകള് പ്രയാസപ്പെടും. ഭാഷാതീതമായി സിനിമകള് സ്വീകരിക്കപ്പെടുന്ന പാന് ഇന്ത്യന് കാലത്ത് ഹിന്ദി ചിത്രങ്ങളുടെ തെന്നിന്ത്യന് സ്വീകാര്യതയിലും മാറ്റം വന്നിട്ടുണ്ട്.
അടുത്തിടെയെത്തിയ രണ്ബീര് കപൂറിന്റെ അനിമലും ഷാരൂഖ് ചിത്രങ്ങളുമൊക്കെ കേരളത്തിലും മികച്ച കളക്ഷനാണ് നേടുന്നത്. പ്രമുഖ മീഡിയ കണ്സള്ട്ടിംഗ് സ്ഥാപനമായ ഓര്മാക്സ് മീഡിയ പുറത്തിറക്കിയ ലിസ്റ്റ് ആണ് ഇനി പറയുന്നത്. ഒന്ന് മുതല് പത്ത് വരെ നവംബര് മാസത്തെ വിലയിരുത്തല് അനുസരിച്ച് തയ്യാറാക്കിയ സ്ഥാനങ്ങളാണ് പട്ടികയില്. സംശയലേശമില്ലാതെ ഒന്നാം സ്ഥാനം കിംഗ് ഖാന്, ഷാരൂഖ് ഖാന് തന്നെ. സമീപകാലത്ത് ഖാന് ത്രയങ്ങളില് ടൈഗര് 3 ലൂടെ ഭേദപ്പെട്ട കളക്ഷന് നേടിയ സല്മാന് ആണ് രണ്ടാമത്.
മൂന്നാം സ്ഥാനത്ത് അക്ഷയ് കുമാറും.നാലാമത് അനിമലിലൂടെ സൂപ്പര്സ്റ്റാര് പദവി ലഭിക്കുമെന്ന് പ്രതീക്ഷിക്കപ്പെടുന്ന രണ്ബീര് കപൂര് ആണ്. അഞ്ചാമത് ഹൃത്വിക് റോഷന് ആണ്. അദ്ദേഹം ഏറെ പ്രതീക്ഷ പുലര്ത്തുന്ന ചിത്രം ഫൈറ്റര് റിലീസിന് ഒരുങ്ങുകയാണ്. ആറാമത് രണ്വീര് സിംഗ് ആണ്. ഏറെക്കാലമായി വിജയങ്ങള് ഇല്ലാത്ത ആമിര് ഖാന് ഏഴാമതും കാര്ത്തിക് ആര്യന് എട്ടാമതുമാണ്. ഒന്പതാം സ്ഥാനത്ത് അജയ് ദേവ്ഗണും പത്താം സ്ഥാനത്ത് സിദ്ധാര്ഥ് മല്ഹോത്രയും.