കരുവന്നൂര് ബാങ്ക് തട്ടിപ്പുമായി ബന്ധപ്പെട്ട കള്ളപ്പണക്കേസില് ആലത്തുര് മുന് എം.പിയും സിപിഎം നേതാവുമായ പി.കെ ബിജുവിനും കുരുക്ക് മുറുകുന്നതായി റിപ്പോര്ട്ട്. പി.കെ ബിജുവിനെ ഇ.ഡി ചോദ്യം ചെയ്യും. ഹാജരാകുന്നതിന് ഇ.ഡി ബിജുവിന് ഉടന് നോട്ടീസ് അയക്കും.എംഎല്എ എ.സി മൊയ്തീനെ ഇ.ഡി ഇന്നലെ ഒമ്പത് മണിക്കൂര് ചോദ്യം ചെയ്തിരുന്നു. മൊഴിയുടെ വിശദാംശങ്ങള് പരിശോധിച്ച ശേഷം വീണ്ടും നോട്ടീസ് നല്കണോ എന്നതില് ഇ.ഡി തീരുമാനമെടുക്കും.അതേസമയം, പത്ത് മണിക്കൂറോളം നീണ്ട ചോദ്യം ചെയ്യലില് ഇ.ഡി ഉദ്യോഗസ്ഥരുടെ എല്ലാ ചോദ്യങ്ങള്ക്കും ഉത്തരം നല്കിയെന്ന് എ.സി മൊയ്തീന് പ്രതികരിച്ചിച്ചുരുന്നു. ഇ.ഡി ആവശ്യപ്പെട്ട എല്ലാ രേഖകളും ഹാജരാക്കി. വീണ്ടും വിളിപ്പിച്ചിട്ടില്ലെന്നു പറഞ്ഞ മൊയ്തീന്, ഉദ്യോഗസ്ഥര് ആവശ്യപ്പെട്ടാല് ഇനിയും ഹാജരാകുമെന്നും വ്യക്തമാക്കി. അക്കൗണ്ട് മരവിപ്പിച്ചത് സംബന്ധിച്ച് ഇഡിക്ക് കത്ത് നല്കിയെന്നും പരിശോധിക്കാമെന്ന് ഉദ്യോഗസ്ഥര് ഉറപ്പ് നൽകിയെന്നും അദ്ദേഹം മാധ്യമപ്രവർത്തകരോട് പറഞ്ഞു
2023-09-12