ആസിഫ് അലിയും അപര്ണാ ബാലമുരളിയും പ്രധാനവേഷങ്ങളില് എത്തുന്ന ‘കിഷ്കിന്ധാകാണ്ഡ’ത്തിന്റെ പൂജ ഒറ്റപ്പാലത്തെ ഒളപ്പമണ്ണ മനയില്വെച്ച് നടന്നു. ‘കക്ഷി അമ്മിണിപ്പിള്ള’ എന്ന ചിത്രത്തിനുശേഷം ദിന്ജിത്ത് അയ്യത്താന് സംവിധാനം ചെയ്യുന്ന ചിത്രമാണ് കിഷ്കിന്ധാകാണ്ഡം.
അതിശയനിലൂടെയും ആനന്ദഭൈരവിയിലൂടെയും മലയാളികള്ക്ക് പ്രിയങ്കരനായ ദേവ് രാമുവാണ് ആദ്യ ക്ലാപ്പ് അടിച്ചത്. ചിത്രം നിര്മ്മിക്കുന്നത് ഗുഡ് വില് എന്റര്ടെയ്ന്മെന്റ്സിന്റെയും കാക്ക സ്റ്റോറീസിന്റെയും ബാനറില് ജോബി ജോര്ജ്ജ് തടത്തില് ആണ്.
ബാഹുല് രമേശാണ് ചിത്രത്തിന്റെ കഥ, തിരക്കഥ, സംഭാഷണം, ഛായാഗ്രഹണം എന്നിവ നിര്വഹിക്കുന്നത്. വിജയരാഘവന്, ജഗദീഷ്, അശോകന്, നിഴല്കള് രവി, മേജര് രവി, നിഷാന്, വൈഷ്ണവി രാജ്, മാസ്റ്റര് ആരവ്, കോട്ടയം രമേശ്, അമല് രാജ്, ജിബിന് ഗോപാല് തുടങ്ങിയവര് ചിത്രത്തില് മറ്റു പ്രധാനകഥാപാത്രങ്ങളെ അവതരിപ്പിക്കുന്നുണ്ട്.