ന്യൂഡല്ഹി: പതിനെട്ട് മുതല് 44 വയസുവരെയുള്ളവര്ക്ക് ഇനി വാക്സിനേഷന് കേന്ദ്രത്തിലെത്തി നേരിട്ട് രജിസ്റ്റര് ചെയ്യാം. വാക്സിന് പാഴാക്കുന്നത് ഒഴിവാക്കുന്നതിന്റെ ഭാഗമായാണ് കേന്ദ്ര ആരോഗ്യമന്ത്രാലയത്തിന്റെ നടപടി. ഓണ്ലൈന് വഴി ബുക്ക് ചെയ്തവര്ക്ക് മാത്രമാണ് ഇതുവരെ വാക്സിന് ലഭിച്ചിരുന്നത്. പുതുക്കിയ നിര്ദ്ദേശമനുസരിച്ച് ഇനി രജിസ്റ്റര് ചെയ്തിട്ട് വരാതിരിക്കുന്നവരുടെ വാക്സിന് നേരിട്ടെത്തുന്നവര്ക്ക് നല്കും. ഇന്റര്നെറ്റ് സൗകര്യങ്ങള് ലഭ്യമാകാത്തവരെ കൂടി കണക്കിലെടുത്താണ് നടപടി. അതതു സസ്ഥാനങ്ങളിലെ സാഹചര്യം അനുസരിച്ച് സംസ്ഥാന സര്ക്കാരുകള് തീരുമാനിക്കുന്നത് അനുസരിച്ചാവും നേരിട്ടെത്തി രജിസ്റ്റര് ചെയ്യുന്നതിനുള്ള അനുമതിയെന്ന് കേന്ദ്രസര്ക്കാര് വ്യക്തമാക്കുന്നു.
2021-05-24