തൃശൂര്: തൃശൂര് പൂരം ചടങ്ങുകള് സമാപിച്ചു. ഇന്നലെ അര്ദ്ധരാത്രി തിരുവമ്പാടിയുടെ മഠത്തില് വരവിനിടെ മരം വീണുണ്ടായ അപകടത്തില് രണ്ട് പേര് മരിച്ച സാഹചര്യത്തിലാണ് കൊവിഡ് പ്രോട്ടോക്കോള് പ്രകാരം ആഘോഷം കുറച്ച് നടത്തിയ തൃശൂര് പൂരം വെട്ടിച്ചുരുക്കിയത്. പാറമേക്കാവ്, തിരുവമ്പാടി ദേവതകള് ശ്രീമൂലം സ്ഥാനത്ത് വച്ച് ഉപചാരം ചൊല്ലി പിരിയുകയായിരുന്നു.അടുത്ത തൃശൂര് പൂരത്തിനുളള തീയതി നിശ്ചയിച്ച ശേഷമാണ് ഈ പൂരത്തിന് സമാപനമായത്.ഇന്നലെയുണ്ടായ അപകടത്തില് തിരുവമ്പാടി ദേവസ്വം അംഗങ്ങളായ പൂച്ചെട്ടി സ്വദേശിയായ രമേശന്, പൂങ്കുന്നം സ്വദേശിയായ പനിയത്ത് രാധാകൃഷ്ണന് എന്നിവര് മരിച്ചു. 5 പേര്ക്കാണ് അപകടത്തില് പരിക്കേറ്റിട്ടുളളത്.
2021-04-24