തിരുവനന്തപുരം: കോവിഡ് കൂടിയതോടെ സിനിമ തീയേറ്ററുകള് വീണ്ടും പ്രതിസന്ധിയിലേക്ക്. വിഷു റിലീസായി എത്തിയ ചിത്രങ്ങള് നിറഞ്ഞോടുമ്പോഴാണ് കൊവിഡ് രണ്ടാം തരംഗമെത്തിയത്. നായാട്ട്, ചതുര്മുഖം, നിഴല്, കര്ണന് എന്നിങ്ങനെ ചിത്രങ്ങള് എത്തിയിട്ടും കോവിഡ് കൂടിയതോടെയാണ് തീയേറ്ററുകളില് പ്രേക്ഷകര് കുറഞ്ഞത്. ഇതോടെ ഏറെ പ്രതീക്ഷയോടെ കാത്തിരുന്ന വിഷുക്കാലം തീയേറ്ററുകള്ക്ക് ഇരുട്ടടിയായി മാറിയിരിക്കുകയാണ്. പകുതി സീറ്റുകള് ഒഴിച്ചിട്ട് നടത്തുന്ന ഷോകളില് സിനിമ കാണാന് പ്രധാന നഗരങ്ങളിലെ തീയേറ്ററുകളില് വരെ വളരെ കുറച്ച് പേര് മാത്രമാണ് എത്തുന്നത്. റംസാന് നോമ്പ് തുടങ്ങിയതും തീയേറ്ററുകളെ തളര്ത്തും.
2021-04-14