ന്യൂഡല്ഹി: വ്യക്തിക്ക് മുകളിലാണ് കൂട്ടായ്മയെന്ന് ജനറല് സെക്രട്ടറി സീതാറാം യെച്ചൂരി. പിണറായി വിജയനാണ് പാര്ട്ടിയെ നിയന്ത്രിക്കുന്നതെന്ന ആരോപണത്തിന്റെ അടിസ്ഥാനത്തിലാണ് സീതാറാം യെച്ചൂരിയുടെ പ്രതികരണം. ഹൈക്കമാന്ഡ് സംസ്കാരം അംഗീകരിക്കുന്നവരാണ് ഈ ആരോപണം ഉന്നയിക്കുന്നതെന്നും സി പി എമ്മില് ജനറല് സെക്രട്ടറിയുടെ നിലപാട് തന്നെ പലതവണ ഭൂരിപക്ഷ അഭിപ്രായത്തില് തള്ളപ്പെട്ടിട്ടുണ്ടെന്നും അദ്ദേഹം പറഞ്ഞു.
പാര്ട്ടി എന്താണെന്ന് മനസിലാകാത്തവരാണ് ഇത്തരം വിമര്ശനങ്ങള് ഉന്നയിക്കുന്നതെന്നും യെച്ചൂരി വ്യക്തമാക്കി.കെ കെ ശൈലജയ്ക്ക് ഇളവ് നല്കിയിരുന്നെങ്കില് മറ്റുള്ളവര്ക്കും നല്കേണ്ടി വരുമായിരുന്നുവെന്നും യെച്ചൂരി ചൂണ്ടിക്കാട്ടി. കേരളത്തിലും തമിഴ്നാട്ടിലും പശ്ചിമ ബംഗാളിലും ബി ജെ പിക്ക് എതിരായാണ് ഭൂരിഭാഗം പേരും വോട്ട് ചെയ്തത്. ബംഗാളില് ശരിക്കുള്ള പോരാട്ടം തുടങ്ങിയിട്ടേയുള്ളൂ. സി പി എം പുതുമുഖങ്ങളേയും പുതുരക്തങ്ങളെയുമാണ് പാര്ട്ടി സ്ഥാനാര്ത്ഥികളാക്കിയത്. അവര് തന്നെയാണ് പാര്ട്ടിയുടെ ഭാവിയെന്നും അദ്ദേഹം പറഞ്ഞു.