വിജയ് ചിത്രം മാസ്റ്റര്‍ ബോളിവുഡിലേക്ക് റിമേക്ക് ചെയ്യുന്നു. സല്‍മാന്‍ ഖാനാണ് നായകനായി എത്തുന്നത്. ഔദ്യോഗിക പ്രഖ്യാപനം ഉടനുണ്ടാകുമെന്നും ചര്‍ച്ചകള്‍ അവസാനഘട്ടത്തിലാണെന്നുമാണ് റിപ്പോര്‍ട്ടുകള്‍ സൂചിപ്പിക്കുന്നത്. മാസ്റ്റര്‍ കൂടാതെ രവി തേജ നായകനാവുന്ന ‘ഖിലാഡി’യുടെ ഹിന്ദി റീമേക്ക് അവകാശവും സല്‍മാന്‍ വാങ്ങിയെന്നും റിപ്പോര്‍ട്ടുണ്ട്. രവി തേജ ഡബിള്‍ റോളിലെത്തുന്ന ചിത്രം ആക്ഷന്‍ ക്രൈം ത്രില്ലര്‍ ഗണത്തില്‍ പെടുന്ന ഒന്നാണ്.
ഏപ്രിലില്‍ പുറത്തെത്തിയ ചിത്രത്തിന്റെ ടീസര്‍ വലിയ പ്രേക്ഷകശ്രദ്ധ നേടിയിരുന്നു.
സത്യനാരായണ കൊനേരു നിര്‍മ്മിച്ചിരിക്കുന്ന ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് സുജിത്ത് വാസുദേവും ജി കെ വിഷ്ണുവുമാണ്. ചിത്രം തിയറ്റര്‍ റിലീസ് തന്നെ ആയിരിക്കുമെന്ന് നിര്‍മ്മാതാക്കള്‍ അടുത്തിടെ വ്യക്തമാക്കിയിരുന്നു.
2021-06-13