തപാല്‍ വകുപ്പിന്റെ പുതിയ ആപ്പ് : പോസ്റ്റ് ഇന്‍ഫോ പുറത്തിറക്കി

On: April 23, 2021

കൊച്ചി: പോസ്റ്റ് ഓഫീസുമായി ബന്ധപ്പെട്ട എല്ലാ സേവനങ്ങള്‍ക്കുമായി പോസ്റ്റ് ഇന്‍ഫോ എന്നപേരില്‍ തപാല്‍ വകുപ്പ് പുതിയ ആപ്ലിക്കേഷന്‍ പുറത്തിറക്കി. ഇതുവഴി പോസ്റ്റ് ഓഫീസ് ലൈഫ് ഇന്‍ഷുറന്‍സ് പ്രീമിയം കണക്കാക്കാനും നിക്ഷേപ വരുമാനം പരിശോധിക്കാനും സാധിക്കും. മാത്രമല്ല, ജനന സര്‍ട്ടിഫിക്കറ്റിലെ വിവരങ്ങള്‍ തിരയുന്നതിനും ഈ ആപ്പ് ഉപയോഗിക്കാം. തപാല്‍ വകുപ്പിന്റെ കീഴിലുള്ള തപാല്‍ ടെക്‌നോളജീസ് ആണ് ആപ്പ് വികസിപ്പിച്ചത്.ആന്‍ഡ്രോയിഡ്, ഐഒഎസ് ആപ്ലിക്കേഷന്‍ സ്റ്റോറുകളില്‍ നിന്ന് ആപ്പ് ഡൗണ്‍ലോഡ് ചെയ്യാം.

ആപ്പില്‍ നിന്ന് നേരിട്ട് മെയില്‍ ഡെലിവറി ഷെഡ്യൂള്‍ ചെയ്യാനും റിപ്പോര്‍ട്ട് ചെയ്ത പരാതികള്‍ നിരീക്ഷിക്കാനുമാകും. പോസ്റ്റ് ഓഫീസ് പ്ലാനുകളായ റൂറല്‍ പോസ്റ്റല്‍ ലൈഫ് ഇന്‍ഷുറന്‍സ് (ആര്‍പിഎല്‍ഐ), പിഎല്‍ഐ പോളിസികള്‍ എന്നിവയുടെ പ്രീമിയം കണക്കാക്കാനുള്ള ഓപ്ഷനുകളും ആപ്പിലുണ്ട്. നിക്ഷേപങ്ങളുടെ വരുമാനം നിര്‍ണ്ണയിക്കാന്‍ ആപ്പിലെ പലിശ കാല്‍ക്കുലേറ്റര്‍ ഉപയോഗിക്കാം. നിലവിലെ വിഹിതത്തെക്കുറിച്ചും സാമ്പത്തിക ലക്ഷ്യങ്ങള്‍ നിറവേറ്റുന്നതിന് പ്രതിമാസം എത്ര സമയം ചെലവഴിക്കണമെന്നും ആപ്ലിക്കേഷന്‍ വ്യക്തമാക്കും.

Previous Post: നസ്രിയ തെലുങ്കിലേക്ക്

Next Post: രാജ്യം “കോവിഡിനും മോദിയ്ക്കും ഇടയിൽ”;തോമസ് ഐസക്

താൻ ഇവിടെ നിൽക്കുന്നത് പ്രേക്ഷകരുടെ സ്നേഹത്തിലും ധൈര്യത്തിലും; മമ്മൂട്ടി

കൊച്ചി: താൻ ഇവിടെ നിൽക്കുന്നത് പ്രേക്ഷകരുടെ സ്നേഹത്തിലും ധൈര്യത്തിലുമാണെന്ന് നടൻ മമ്മൂട്ടി. 42 കൊല്ലമായി പ്രേക്ഷകർ കൂടെയുണ്ടെന്നും ഇനിയും തന്നെ കൈവിടില്ലെന്നും അദ്ദേഹം വ്യക്തമാക്കി. ടർബോയുടെ പ്രമോഷന്റെ ഭാഗമായുള്ള പ്രസ്മീറ്റിൽ സംസാരിക്കവെയായിരുന്നു അദ്ദേഹത്തിന്റെ പ്രതികരണം. ഇവരുടെ ധൈര്യത്തിലാ നമ്മൾ നിൽക്കുന്നത്. 42 കൊല്ലമായി, വിട്ടിട്ടില്ല, ഇനി വിടത്തില്ല. സിനിമയല്ലാതെ തനിക്ക് വേറെ ഒരു വഴിയും ഇല്ല. സിനിമയില്ലെങ്കിൽ തന്റെ ശ്വാസം നിന്നു പോകും. മിഥുൻ മാനുവൽ തോമസിനേയും വൈശാഖിനേയും വിശ്വസിക്കുന്നതിനേക്കാൾ കൂടുതൽ താൻ പ്രേക്ഷകരെ വിശ്വസിച്ചാണിരിക്കുന്നതെന്നും മമ്മൂട്ടി അഭിപ്രായപ്പെട്ടു. ഈ സിനിമയിൽ രണ്ട് ആളുകളുടെ അനുഭവമാണ് പറയുന്നത്. യഥാർത്ഥത്തിൽ നടന്ന ഒരു തട്ടിപ്പിന്റെ കഥയുണ്ട്. അതിപ്പോഴും നടക്കുന്ന, ഇനിയും നടക്കാൻ സാധ്യതയുള്ള തട്ടിപ്പ്. നമ്മൾ പലതും അറിയുന്നില്ലെന്നേ ഒള്ളൂ. ഈ സിനിമയുടെ കഥയുടെ ആധാരം ജോസിനു പറ്റുന്ന ഒരു കയ്യബദ്ധമാണ്. ജോസ് ഒരു മാസ് ഹീറോയല്ല, ജോസ് നിഷ്‌കളങ്കനാണ്. എന്തുകണ്ടാലും ചാടിയിറങ്ങുന്ന ഒരു പാവത്താനാണെന്നും മമ്മൂട്ടി കൂട്ടിച്ചേർത്തു.
സോളാർ സമരം ഒത്തുതീർപ്പാക്കാൻ മുൻകൈയെടുത്തത് സിപിഎം; വെളിപ്പടുത്തലുമായി ജോൺ മുണ്ടക്കയം

തിരുവനന്തപുരം: സോളാർ സമരവുമായി ബന്ധപ്പെട്ട് സിപിഎമ്മിനെതിരെ ഗുരുതര വെളിപ്പെടുത്തലുമായി മുതിർന്ന മാദ്ധ്യമപ്രവർത്തകൻ ജോൺ മുണ്ടക്കയം. സോളാർ സമരം ഒത്തുതീർപ്പാക്കാൻ മുൻകൈയെടുത്തത് സിപിഎമ്മാണെന്ന് അദ്ദേഹം പറഞ്ഞു. സിപിഎം നേതൃത്വത്തിന്റെ നിർദേശാനുസരണം മാദ്ധ്യമപ്രവർത്തകനും എംപിയുമായ ജോൺ ബ്രിട്ടാസ് തന്നെ വിളിച്ചെന്നും അദ്ദേഹം വ്യക്തമാക്കി. സമകാലിക മലയാളം എന്ന മാദ്ധ്യമത്തിലെഴുതിയ ലേഖനത്തിലാണ് അദ്ദേഹം ഇക്കാര്യം അറിയിച്ചത്. സമരം എങ്ങനെയെങ്കിലും അവസാനിപ്പിക്കേണ്ടേ എന്നായിരുന്നു ഫോണിൽ വിളിച്ച് ബ്രിട്ടാസ് തന്നോട് ചോദിച്ചത്. എന്താ അവസാനിപ്പിക്കണം എന്നു തോന്നിത്തുടങ്ങിയോ എന്ന് തിരിച്ചുചോദിച്ചു. മുകളിൽനിന്നുള്ള നിർദ്ദേശ പ്രകാരമാണ് ബ്രിട്ടാസിന്റെ കോൾ എന്ന് മനസിലായി. ഉടനെ പത്രസമ്മേളനം നടത്തി ജുഡീഷ്യൽ അന്വേഷണം പ്രഖ്യാപിച്ചാൽ സമരം പിൻവലിക്കാൻ തയ്യാറാണെന്ന് അന്നത്തെ മുഖ്യമന്ത്രിയായിരുന്ന ഉമ്മൻ ചാണ്ടിയെ അറിയിക്കാമോ എന്നും ബ്രിട്ടാസ് ചോദിച്ചുവെന്ന് അദ്ദേഹം അറിയിച്ചു. തുടർന്ന് ഉമ്മൻചാണ്ടിയെ വിളിച്ചു. ഒത്തുതീർപ്പ് ഫോർമുല യുഡിഎഫ് അംഗീകരിക്കുകയും കുഞ്ഞാലിക്കുട്ടിയും തിരുവഞ്ചൂരും സംസാരിക്കുകയും ചെയ്തു. എൻ കെ പ്രമേചന്ദ്രനാണ് ഇടതുപ്രതിനിധിയായി ചർച്ചയിൽ പങ്കെടുത്തത്. കോടിയേരി ബാലകൃഷ്ണനും ഉണ്ടായിരുന്നുവെന്നും ലേഖനത്തിൽ പറയുന്നു. തുടർന്ന് ധാരണാപ്രകാരമാണ് ഉമ്മൻചാണ്ടി വാർത്താസമ്മേളനം വിളിച്ചത്. പാർട്ടി അറിഞ്ഞുകൊണ്ടായിരുന്നു ഈ നീക്കം എന്നാൽ തോമസ് ഐസക് അടക്കമുള്ള നേതാക്കൾക്കോ സമരത്തിനെത്തിയ പ്രവർത്തകർക്കോ ഇക്കാര്യം അറിഞ്ഞിരുന്നില്ല. താനും ഒത്തുതീർപ്പ് ചർച്ചകൾക്ക് ഇടനില നിന്നിരുന്നെന്നും ജോൺ മുണ്ടക്കയം കൂട്ടിച്ചേർത്തു.
ബിജെപി 400 ൽ അധികം സീറ്റുകൾ ലക്ഷ്യം വെയ്ക്കുന്നതിന് കാരണമിത്; തുറന്നു പറഞ്ഞ് അമിത് ഷാ

ന്യൂഡൽഹി: ലോക്സഭാ തെരഞ്ഞെടുപ്പിൽ ബിജെപി 400 ൽ അധികം സീറ്റുകൾ ലക്ഷ്യമിടുന്നത് ഭരണഘടന മാറ്റാൻ ആണെന്ന പ്രതിപക്ഷ ആരോപണം നിഷേധിച്ച് കേന്ദ്ര ആഭ്യന്തരമന്ത്രി അമിത് ഷാ. രാജ്യത്തിന്റെ രാഷ്ട്രീയ ഭൂമികയിൽ സ്ഥിരത കൊണ്ടുവരാനാണ് നാണൂറിൽ അധികം സീറ്റുകൾ ബിജെപി ലക്ഷ്യം വെക്കുന്നതെന്ന് അദ്ദേഹം വ്യക്തമാക്കി. ഒരു ദേശീയ മാധ്യമത്തിന് അനുവദിച്ച പ്രത്യേക അഭിമുഖത്തിൽ ആയിരുന്നു അദ്ദേഹത്തിന്റെ പരാമർശം. കഴിഞ്ഞ 10 വർഷം ഭരണഘടനാ ഭേദഗതി ചെയ്യാനുള്ള ഭൂരിപക്ഷം ബിജെപിക്ക് ഉണ്ടായിരുന്നു. എന്നിട്ടും ബിജെപി അത് ചെയ്തിട്ടില്ല. ഭൂരിപക്ഷം ദുരുപയോഗം ചെയ്തത് ഇന്ദിരാഗാന്ധിയുടെ കാലത്തെ കോൺഗ്രസ് ആയിരുന്നു. തങ്ങൾക്ക് 400 ൽ അധികം സീറ്റുകൾ വിജയിക്കണം. അത് രാജ്യത്തെ രാഷ്ട്രീയത്തിന് സ്ഥിരത കൊണ്ടുവരാനാണ്. തങ്ങളുടെ അതിർത്തികൾ സംരക്ഷിക്കാനും ലോകത്ത് ഇന്ത്യയെ മൂന്നാമത്തെ വലിയ സാമ്പത്തിക ശക്തിയാക്കാനും 400 സീറ്റുകൾ വേണം. ആനുകൂല്യങ്ങൾ ലഭിക്കാത്ത പാവപ്പെട്ടവർക്ക് അത് കിട്ടുന്നുണ്ടെന്ന് ഉറപ്പുവരുത്തണം. എല്ലാ വീടുകളിലേക്കും ശുദ്ധജലം എത്തേണ്ടതുണ്ട്. കാർഷിക മേഖലയിൽ ഇനിയും ഒരുപാട് കാര്യങ്ങൾ ചെയ്യണം. അതിനെല്ലാം തങ്ങൾക്ക് 400 സീറ്റുകൾ വേണമെന്ന് അമിത് ഷാ ചൂണ്ടിക്കാട്ടി. കോൺഗ്രസ് ഇന്ദിരാഗാന്ധിയുടെ കാലത്ത് അനുച്ഛേദം മാറ്റി ലോക്സഭ നീറ്റുകയും അടിയന്തരാവസ്ഥ പ്രഖ്യാപിക്കുകയും ചെയ്തു. യാതൊരു കാരണവുമില്ലാതെ ഒന്നരലക്ഷം ആളുകൾ 19 മാസം അന്ന് ജയിലിൽ ആയെന്നും ആഭ്യന്തരമന്ത്രി കൂട്ടിച്ചേർത്തു.
റഹീം മോചന കേസ്; വക്കീലിന് നൽകാനുള്ള ഏഴര ലക്ഷം റിയാൽ സൗദിയിൽ എത്തി

റിയാദ്: റഹീം മോചന കേസുമായി ബന്ധപ്പെട്ട് വാദി ഭാഗം വക്കീലിന് നൽകാനുള്ള ഏഴര ലക്ഷം സൗദി റിയാൽ (ഏകദേശം 1.65 കോടി രൂപ) സൗദിയിൽ എത്തി. റഹീം സഹായ സമിതിയാണ് ഇക്കാര്യം അറിയിച്ചത്. നാട്ടിൽ റഹീമിനായി സമാഹരിച്ച തുകയിൽ നിന്ന് സഹായ സമിതി ട്രസ്റ്റാണ് തുക സൗദിയിലേക്ക് അയച്ചത്. അടുത്ത ദിവസം തന്നെ കരാറുകൾ തയ്യാറാക്കി ഇന്ത്യൻ എംബസി മുഖേന പണം കൈമാറും. കൊല്ലപ്പെട്ട സൗദി ബാലന്റെ കുടുംബം ദിയധനം സ്വീകരിച്ചു മാപ്പ് നൽകാനുള്ള സമ്മതം ഗവർണറേറ്റിൽ അറിയിച്ചതായും സഹായസമിതി അറിയിച്ചു. ഗവർണറേറ്റിൽ നിന്ന് കോടതിയിലേക്ക് രേഖാമൂലം കേസുമായി ബന്ധപ്പെട്ട എല്ലാ രേഖകളും കൈമാറും. പിന്നീട് കോടതി വധശിക്ഷ റദ്ദ് ചെയ്ത് ഉത്തരവിറക്കും. വൈകാതെ മോചനവും സാധ്യമാകും എന്നാണ് പ്രതീക്ഷിക്കുന്നത്.
ജീവനക്കാരുടെ കൂട്ടവിരമിക്കൽ ആനുകൂല്യങ്ങൾ; സംസ്ഥാന ധനവകുപ്പ് കണ്ടെത്തേണ്ടത് 9000 കോടി രൂപ

തിരുവനന്തപുരം: ഈ മാസത്തെ ജീവനക്കാരുടെ കൂട്ടവിരമിക്കൽ ആനുകൂല്യങ്ങൾക്ക് സംസ്ഥാന ധനവകുപ്പ് കണ്ടെത്തേണ്ടത് 9000 കോടി രൂപ. കടുത്ത സാമ്പത്തിക പ്രതിസന്ധി തുടരുന്നതിനിടെയാണ് സർക്കാരിന് ഇത്രയധികം തുക കണ്ടെത്തേണ്ടത്. പെൻഷൻ പ്രായം കൂട്ടുമെന്ന അഭ്യൂഹങ്ങൾ ഉയരുന്നുണ്ടെങ്കിലും സർക്കാർ ഇത് സ്ഥിരീകരിക്കുന്നില്ല. സാമ്പത്തിക വർഷത്തിന്റെ ആദ്യപാദത്തിൽ എടുക്കാവുന്ന വായ്പാ പരിധിയുടെ കണക്ക് നിശ്ചയിക്കാത്തതിൽ കേരളം കേന്ദ്രത്തെ ആശങ്ക അറിയിച്ചു. ഈ മാസം ആദ്യം മുതൽ സംസ്ഥാനം ഓവർ ഡ്രാഫ്റ്റിലാണ്. നടപ്പു സാമ്പത്തിക വർഷം മുതൽ അതാത് മാസത്തെ പെൻഷൻ വിതരണം ചെയ്യുമെന്ന് ബജറ്റിൽ പ്രഖ്യാപിച്ചെങ്കിലും നടപടി തുടങ്ങിയിട്ടില്ല. ഇതിനിടെയാണ് കൂട്ട വിരമിക്കൽ നടക്കുന്നത്. 16000 ത്തോളം ജീവനക്കാർ ഈ മാസം സർക്കാർ സർവ്വീസിൽ നിന്ന് പടിയിറങ്ങും. പെൻഷൻ ആനുകൂല്യങ്ങൾക്കുള്ള നടപടി ക്രമങ്ങൾ പൂർത്തിയാക്കാനുള്ള സാവകാശം ലഭിക്കുമെന്നതാണ് ഏക ആശ്വാസം. ഇതിനിടെ ക്ഷേമപെൻഷൻ കൂടി ചേർന്നാൽ പിന്നെയും ആറ് മാസത്തെ കുടിശികയാകും. അതേസമയം പെൻഷൻ പ്രായം ഉയർത്തുന്നത് സംബന്ധിച്ച അഭ്യൂഹങ്ങളും ശക്തമാകുന്നുണ്ട്.