തിരുവനന്തപുരം: മൊബൈലിലൂടെയും ലാപ്ടോപ്പിലൂടെയും ഓണ്ലൈന് ബാങ്ക് ഇടപാടുകള് നടത്തുന്നവര്ക്ക് മുന്നറിയിപ്പുമായി കേരള പൊലീസ്. ബ്രൗസറുകള് പാസ് വേഡുകള് സൂക്ഷിക്കുന്നുണ്ടെന്നും അതുകൊണ്ടു തന്നെ പാസ് വേഡുകള് അഥവാ ക്രെഡന്ഷ്യലുകള് എവിടെയും സേവ് ചെയ്യരുതെന്നാണ് നിര്ദ്ദേശം നല്കിയിരിക്കുന്നത്.
മാത്രമല്ല, ഫോണ് നഷ്ടപ്പെടുകയോ ലാപ്ടോപ്പ് പോലെ നിങ്ങള് ബാങ്കിംഗ് സൈറ്റിലേക്ക് ലോഗിന് ചെയ്യാന് ഉപയോഗിക്കുന്ന ഉപകരണങ്ങള് നഷ്ടപ്പെട്ട് അത് മറ്റൊരാളുടെ കൈയില് എത്തിപ്പെട്ടാല് അവര്ക്ക് അക്കൗണ്ടില് നിന്ന് പാസ് വേഡ് കണ്ടെത്താന് കഴിയും. അത് ദുരുപയോഗം ചെയ്യാനും കഴിയും.ഓണ്ലൈന് ബാങ്കിംഗ് ഇടപാടുകള് നടത്താന് പൊതു ഇന്റര്നെറ്റ് കണക്ഷന് ഉപയോഗിക്കാതിരിക്കുക.
ലോഗിന് ചെയ്യുന്നതിനും ഇടപാടുകള് നടത്തുന്നതിനും മുമ്പ് നിങ്ങള് ഉപയോഗിക്കുന്ന വൈഫൈ, പാസ് വേര്ഡ് നല്കി പരിരക്ഷിച്ചിട്ടുണ്ടെന്ന് ഉറപ്പാക്കുക. ഇത്തരം ഇടപാടുകള്ക്ക് ഓപ്പണ് വൈഫൈ ഉപയോഗിക്കാതിരിക്കാന് ശ്രദ്ധിക്കുക.