കൊച്ചി: നിമിഷ ഫാത്തിമയെ തിരികെ എത്തിക്കണമെന്ന ആവശ്യം ഹേബിയസ് കോര്പ്പസ് ഹര്ജി ആയി പരിഗണിക്കാനാവില്ലെന്ന് ഹൈക്കോടതി. നിമിഷയുടെ അമ്മ ബിന്ദുവാണ് കോടതിയില് ഹര്ജി ഫയല് ചെയ്തത്. ഹര്ജിക്കാര്ക്ക് സിംഗിള് ബെഞ്ചിനെ സമീപിക്കാമെന്ന് ഡിവിഷന് ബെഞ്ച് പറഞ്ഞു. ഇതോടെ, ഹര്ജി നിമിഷയുടെ അമ്മ പിന്വലിച്ചു. നേരത്തെ ഐഎസ് കേസുകളുമായി ബന്ധപ്പെട്ട് ജയിലുകളില് കഴിയുന്നവരെ അതത് രാജ്യങ്ങളിലേക്ക് തിരിച്ചയയ്ക്കാന് അഫ്ഗാന് ഭരണകൂടം തീരുമാനിച്ചിരുന്നു. എന്നാല് വനിതകളെ തിരിച്ചെത്തിയ്ക്കുന്നതില് ആലോചനയില്ലെന്നാണ് കേന്ദ്രസര്ക്കാര് വ്യക്തമാക്കിയത്. അന്താരാഷ്ട്ര മതമൗലികവാദിക ശക്തികളുമായി യോജിച്ച് പ്രവര്ത്തിച്ച ഇവരെ തിരികെ കൊണ്ടുവരുന്നത് സുരക്ഷാ പ്രശ്നങ്ങളുണ്ടാക്കുമെന്നാണ് സുരക്ഷാ ഏജന്സികളുടെ നിലപാട്.തിരുവനന്തപുരം മണക്കാട് സ്വദേശിയായ ബിന്ദുവിന്റെ മകളായ നിമിഷ മെഡിക്കല് ഡെന്റല് വിദ്യാര്ത്ഥിനിയായിരുന്നു. ബക്സണ് എന്ന പേരുള്ള ഇസയെന്നയാളെ 2015ല് വിവാഹം കഴിച്ച് ഇസ്ലാം മതത്തില് ചേര്ന്ന് നിമിഷാ ഫാത്തിമയെന്ന പേര് സ്വീകരിയ്ക്കുകയായിരുന്നു.
2021-07-13