ന്യൂഡല്ഹി: പ്രധാനമന്ത്രി നരേന്ദ്ര മോദി കേന്ദ്രമന്ത്രിസഭ പുനഃസംഘടിപ്പിക്കാനൊരുങ്ങുന്നതായി സൂചന. ഇതിന്റെ ഭാഗമായി മോദി മന്ത്രിമാരുമായി മൂല്യനിര്ണയസ്വഭാവത്തിലുള്ള കൂടിക്കാഴ്ച നടത്തും. 2019-ല് മോദി വീണ്ടും അധികാരത്തിലെത്തിയതിനു ശേഷം ഇതുവരെ മന്ത്രിസഭ പുനഃസംഘടിപ്പിക്കപ്പെട്ടിരുന്നില്ല. നിരവധി മന്ത്രാലയങ്ങള് ഒരുമിച്ച് കൈകാര്യം ചെയ്യുന്ന മന്ത്രിമാരുടെ ഉത്തരവാദിത്തങ്ങള് ലഘൂകരിക്കാനും പ്രധാനമന്ത്രി ആലോചിക്കുന്നുണ്ട്.
കേരളത്തില് നിന്നുള്ള പുതിയ അംഗങ്ങളെ കേന്ദ്രമന്ത്രിസഭയിലേക്ക് എത്തിക്കാനിടയുണ്ടെന്നും റിപ്പോര്ട്ടുണ്ട്. കൊടകര കുഴല്പ്പണക്കേസ് ഉള്പ്പെടെയുള്ള വിഷയങ്ങളില്ട പ്രതിരോധത്തിലായ കേരള ബി.ജെ.പിക്ക് ഇത് ആശ്വാസമായേക്കും. യു.പി. മുഖ്യമന്ത്രി യോഗി ആദിത്യനാഥ് ഇന്ന് മോദിയുമായും പാര്ട്ടി ദേശീയ അധ്യക്ഷന് ജെ.പി. നഡ്ഡയുമായും കൂടിക്കാഴ്ച നടത്തും. മാത്രമല്ല, കോണ്ഗ്രസ് വിട്ട് ബി.ജെ.പിയില് ചേര്ന്ന ജിതിന് പ്രസാദയുടെ കാര്യത്തിലും കൂടിക്കാഴ്ചയില് തീരുമാനം ഉണ്ടായേക്കുമെന്നാണ് വിവരം.