ഒരു രാത്രിയില്‍ ലോറിക്കകത്ത് നടക്കുന്ന ഒരു കഥയുമായി മിഡ്‌നൈറ്റ് റണ്‍ എന്ന ത്രില്ലര്‍ ഷോര്‍ട്ട്ഫിലിം എത്തുന്നു. ദിലീഷ് പോത്തനും ചേതന് ജയലാലും പ്രധാന കഥാപാത്രങ്ങളാകുന്ന ഷോര്‍ട്ട് ഫിലിം സൈന പ്ലേ ഒടിടി പ്ലാറ്റ്‌ഫോമിലൂടെ മേയ് 14മുതല്‍ കാണാനാകും. ഗോവയിലെ രാജ്യാന്തര ചലച്ചിത്രമേളയില്‍ ഇന്ത്യന്‍ പനോരമയിലും, ബുസാന്‍ ഇന്റര്‍നാഷനല്‍ ഷോര്‍ട്ട് ഫിലിം ഫെസ്റ്റിവലിലും ഉള്‍പ്പെടെ 25ലേറെ ഫിലിം ഫെസ്റ്റിവലുകളില്‍ മിഡ്‌നൈറ്റ് റണ്‍ പ്രദര്‍ശിപ്പിച്ചിരുന്നു. ഗീരീഷ് ഗംഗാധരന്‍ ക്യാമറയും രംഗനാഥ് രവി സൗണ്ട് ഡിസൈനും നിര്‍വഹിച്ചിരിക്കുന്നു. സതീഷ് എരിയാലത്താണ് നിര്‍മ്മാണം.
ഒരു റിയലിസ്റ്റിക് ത്രില്ലറാണ് ഇത്. ഭയം എന്ന തീമിനെ മുന്‍നിര്‍ത്തിയാണ് ഷോര്‍ട്ട് ഫിലിം ഒരുക്കിയിരിക്കുന്നത്. ഇന്ത്യന്‍ പനോരമ സ്‌ക്രീനിംഗിലും മറ്റ് ഫെസ്റ്റിവലുകളിലും മികച്ച നിരൂപകപ്രശംസ നേടിയിരുന്നു.
്