തിരുവനന്തപുരം: ശനി, ഞായര് ദിവസങ്ങളില് ട്രിപ്പിള് ലോക്ഡൗണിന് സമാനമായ നിയന്ത്രണങ്ങള്. പാഴ്സല്, ടേക് എവേ എന്നിവ ഉണ്ടാകില്ല. ഓണ്ലൈന് ഡെലിവറി മാത്രമേ അനുവദിക്കൂ. മൊബൈല് ഫോണ് റിപ്പയറിംഗ് കടകള് നാളെ തുറക്കാന് അനുമതിയുണ്ട്. നിര്മാണപ്രവര്ത്തനങ്ങള് നടത്താം. എന്നാല് ഇക്കാര്യം പൊലീസ് സ്റ്റേഷനില് മുന്കൂട്ടി അറിയിക്കണം. നിലവില് കേരളത്തില് ജൂണ് 16 വരെയാണ് ലോക്ഡൗണ്. കഴിഞ്ഞ ഏതാനും ദിവസങ്ങളായി ടെസ്റ്റ് പൈാസിറ്റിവിറ്റി റേറ്റിലും പുതിയ കൊവിഡ് കേസുകളിലും കുറവുണ്ട്. ഇന്ന് 13.45 ശതമാനമാണ് ലോക്ക് ഡൗണ്. ടെസ്റ്റ് പൊസിറ്റിവിറ്റി റേറ്റ് പത്ത് ശതമാനത്തിനും താഴെ വന്നാല് ലോക്ക് ഡൗണ് പിന്വലിക്കാം എന്നാണ് ആരോഗ്യവിദഗ്ദ്ധരുടെ നിലപാട്.
2021-06-11