കോഴിക്കോട്: കുഞ്ഞാലിക്കുട്ടിക്കെതിരെ രൂക്ഷ വിമര്ശനവുമായി ലീഗ് വിമതയോഗം. സംസ്ഥാന സെക്രട്ടറിമാരായ കെ എം ഷാജിക്കും പി എം സ്വാദിഖലിക്കും പുറമെ ടി.ടി ഇസ്മായില് സമദ് പൂക്കാട്, അഷ്റഫ് കോക്കൂര് തുടങ്ങി സംസ്ഥാന ജില്ലാ, മണ്ഡലം ഭാരവാഹികളായ 150 ഓളം പേരാണ് യോഗത്തില് പങ്കെടുത്തത്. യോഗത്തില് കുഞ്ഞാലിക്കുട്ടിയുടെ തിരിച്ചുവരവ് തെരഞ്ഞെടുപ്പില് തിരിച്ചടിയായെന്നും തെരഞ്ഞെടുപ്പുകളില് തുടര്ച്ചയായി ജനപിന്തുണ കുറഞ്ഞു വന്നിട്ടും തോല്വിയെക്കുറിച്ച് ഗൗരവത്തിലുള്ള ചര്ച്ച ഉണ്ടായില്ലെന്നും യോഗത്തില് വിമര്ശനമുയര്ന്നു.സന്നദ്ധ പ്രവര്ത്തനം കൊണ്ട് മാത്രം പാര്്ട്ടി വളര്ത്താനാകില്ല. പാര്ട്ടിയില് ഒരു തീരുമാനമെടുക്കുന്നതിന് കൂട്ടായ ചര്ച്ച വേണം. എന്താണ് ലീഗിന് വോട്ട് ചെയ്തിട്ട് കാര്യമെന്ന് അവര് ചോദിച്ചു. കേഡര് വോട്ടുകള്് പോലും ചോര്്ന്നത് അതു കാരണമാണ്. എന്നാല് ഇതേക്കുറിച്ച് ഗൗരവത്തിലുള്ള ചര്ച്ച പാര്ട്ടി ഇതുവരെ നടത്തിയിട്ടില്ല.- റഫീഖ് തിരുവള്ളൂര് വിമര്ശിച്ചു.കെ എം ഷാജിയും പി എം സ്വാദിഖലിയും റഫീഖ് തിരുവള്ളൂരിന്റെ വിമര്ശനം ശരിവെച്ചു.
2021-05-26