കൊച്ചി : ലക്ഷദ്വീപിലെ പ്രശ്‌നങ്ങള്‍ പശ്ചാത്തലമാക്കി താന്‍ സിനിമയെടുക്കുമെന്ന് ചലച്ചിത്ര പ്രവര്‍ത്തക ഐഷ സുല്‍ത്താന. ഒരു സ്വകാര്യ ചാനലിന് നല്‍കിയ അഭിമുഖത്തിലാണ് സിനിമയിലൂടെ ലക്ഷദ്വീപിലെ അവസ്ഥ പുറംലോകത്തെ അറിയിക്കുമെന്ന് ഐഷ വെളിപ്പെടുത്തിയത്.തന്നെ തീവ്രവാദിയാക്കാന്‍ ശ്രമിക്കുകയാണെന്നും, മറ്റു രാജ്യങ്ങളുമായി ബന്ധമുണ്ടെന്നും അവിടെനിന്നു പണം വരുന്നുണ്ടെന്നും സ്ഥാപിക്കാനുള്ള ശ്രമമാണ് ചോദ്യം ചെയ്യലില്‍ പൊലീസിന്റെ ഭാഗത്ത് നിന്നുമുണ്ടായതെന്നും ഐഷ പറയുന്നു.
ലക്ഷദ്വീപ് അഡ്മിനിസ്‌ട്രേറ്റര്‍ക്ക് ചില ബിസിനസ് താത്പര്യമുണ്ടെന്നും സ്വന്തം മകന്റെയും കുടുംബത്തിന്റെയും ബിസിനസ് താല്‍പര്യങ്ങള്‍ക്കായാണ് അദ്ദേഹം പ്രവര്‍ത്തിക്കുന്നതെന്നും ഇപ്പോഴത്തെ സാഹചര്യത്തില്‍ അഡ്മിനിസ്‌ട്രേറ്ററെ പ്രധാനമന്ത്രി ഇടപെട്ട് മാറ്റുമെന്നാണ് പ്രതീക്ഷയെന്നും ഐഷ പറഞ്ഞു.