തിരുവനന്തപുരം : കൊടകര കുഴല്പ്പണക്കേസുമായി ബന്ധപ്പെട്ട് ബിജെപി സംസ്ഥാന അധ്യക്ഷന് കെ സുരേന്ദ്രന്റെ സെക്രട്ടറി ദിപിനെ ചോദ്യം ചെയ്യും. ഇന്ന് രാവിലെ പത്തിന് ഹാജരാകാനാണ് ദിപിനെ അറിയിച്ചിരിക്കുന്നത്. സുരേന്ദ്രന് മത്സരിച്ച കോന്നിയില് നിന്ന് അന്വേഷണ സംഘം വിവരങ്ങള് ശേഖരിച്ചതായി റിപ്പോര്ട്ടുണ്ട്. ഇവിടെ സുരേന്ദ്രന് അടക്കമുള്ള ബി.ജെ.പി നേതാക്കള് താമസിച്ചിരുന്ന ഹോട്ടലില് നിന്നുള്ള വിവരങ്ങളാണ് ശേഖരിച്ചത്.അതേസമയം, പൊലീസ് എഫ്.ഐ.ആര് ശേഖരിച്ച ഇ.ഡി അന്വേഷണ സംഘത്തിന്റെ കണ്ടെത്തലുകളും പരിശോധിച്ചു. ബി.ജെ.പി നേതാക്കള് സംശയ നിഴലിലുള്ള കൊടകര കുഴല്പ്പണ കേസില് എന്ഫോഴ്സ്മെന്റ് അന്വേഷണം ഇല്ലാത്തത് വലിയ വിമര്ശനങ്ങള്ക്ക് വഴിവെച്ചിരുന്നു.
2021-06-05