ശ്രീനഗര്: ജമ്മുവിലെ മൂന്ന് പ്രദേശങ്ങളില്് വീണ്ടും ഡ്രോണ് കണ്ടെത്തി. മിറാന് സാഹിബ്,കലുചക്,കുഞ്ച്വാനി എന്നിവടങ്ങളിലാണ് ഇന്ന് രാവിലെ ഡ്രോണ് പറക്കുന്നത് ഉദ്യോഗസ്ഥരുടെ ശ്രദ്ധയില്പ്പെട്ടത്. പുലര്ച്ചെ 4.40 മുതല് ഡ്രോണ് കലുചക്കിന് മുകളിലൂടെ പറക്കുന്നത് കണ്ടെന്നും, 4.52 ന് കുഞ്ച്വാനി പ്രദേശത്ത് എയര് ഫോഴ്സ് സ്റ്റേഷന് സിഗ്നലിന് സമീപം മറ്റൊരു ഡ്രോണ് കണ്ടെന്നുമാണ് റിപ്പോര്ട്ടുകള്.
സൈനിക ക്യാമ്പുകള്ക്ക് സമീപമാണ് ഡ്രോണുകള് കണ്ടത്. കനത്ത ജാഗ്രതയിലാണ് രാജ്യം. ഇന്നലെ സഞ്ചുവാന് സൈനിക ക്യാമ്പിനു സമീപത്ത് ഉള്പ്പെടെ മൂന്നിടത്തായി ഡ്രോണുകള് കണ്ടിരുന്നു. ഞായറാഴ്ച എയര്ഫോഴ്സ് സ്റ്റേഷന് നേരെ ഡ്രോണ് ഉപയോഗിച്ച് ആക്രമണം നടത്തിയ ഭീകരര് ലക്ഷ്യമിട്ടിരുന്നത് ജമ്മു എയര്പോര്ട്ടിലെ എയര്ട്രാഫിക് കണ്ട്രോള് കെട്ടിടത്തിനെയാണെന്ന് റിപ്പോര്ട്ടുകളുണ്ട്.