ഗോഡ്സില്ല v/s കോംഗ് എന്ന ഹോളിവുഡ് ചിത്രം എത്തുന്നു. സിനിമയിലൂടെ നമുക്ക് മുന്നിലെത്തുന്നത് രണ്ട് പ്രബല ശക്തികളുടെ പോരാട്ടമാണ്. രണ്ടുപേരുടെയും ആരാധകര്‍ക്ക് ഒരു പോലെതന്നെ ആസ്വദിക്കാവുന്ന ഒരു സിനിമയാണിത്. ഗോഡ്സില്ലയില്‍ നിന്നും കിങ് കോങ്ങിനെ സുരക്ഷക്കായി ഡോ. ഐലിന്‍ ആന്‍ഡ്രൂസിന്റെ നേതൃത്വത്തിലുള്ള മനുഷ്യനിര്‍മ്മിത സ്‌കള്‍ ഐലന്‍ഡില്‍ പാര്‍പ്പിച്ചിരിക്കുകയാണ്. ഡോ. ഐലിന്‍ തന്നെയാണ് ആണ് ഈ ദൗത്യം ഏറ്റെടുത്തിരിക്കുന്നത്. കാരണം അത്രത്തോളം ഭീകരനാണ് ഗോഡ്സില്ല. അതിനിടെ അപെക് എന്ന ടെക് ഭീമന്‍ കമ്പനിയുടെ ലാബുകളും ഓഫീസുകളും എല്ലാം ഗോഡ്സില്ല തകര്‍ക്കുന്നു.
ഈ ആക്രമണത്തില്‍ നിരവധി ആളുകള്‍ക്ക് പരിക്ക് സംഭവിക്കുന്നു. ഗോഡ്സില്ലയെ എങ്ങനെയും തകര്‍ക്കുന്നതിനായി ഡോ. ഐലിന്റെ സഹായത്തോടെ കിങ് കോങ്ങിനെ പുറത്തു കൊണ്ടു വരുന്നു. പിന്നീട് ഈ എതിരാളികള്‍ തമ്മിലുള്ള പോരാട്ടമാണ്. ഇതാണ് സിനിമയുടെ ഇതിവൃത്തം. ആദം വിങാര്‍ട്ടിലാണ് സിനിമയുടെ സംവിധാനം.
2021-04-02