തിരുവനന്തപുരം: കൈറ്റ് വിക്ടേഴ്സ് ചാനല് വഴി സംപ്രേഷണം ചെയ്യുന്ന ഓണ്ലൈന് ക്ലാസുകള് ഫസ്റ്റ്ബെല് 2.0 ട്രയല് സംപ്രേഷണം ജൂണ് 18 വരെ നീട്ടി. പ്രീപ്രൈമറി മുതല് പത്ത് വരെയുള്ള ക്ലാസുകാര്ക്ക് ജൂണ് ആദ്യവാരം സംപ്രേഷണം ചെയ്തതിന്റെ പുനസംപ്രേഷണമായിരിക്കും 14 മുതല് 18 വരെ നടക്കുക. പുതിയ ക്ലാസുകള് ജൂണ് 21 നായിരിക്കും ആരംഭിക്കുക.
ജൂണ് 7 മുതല് 11 വരെയുള്ള ക്ലാസുകളുടെ അതേ ക്രമത്തില് തന്നെ ജൂണ് 14 മുതല് 18 വരെ കൈറ്റ് വിക്ടേഴ്സില് പുനഃസംപ്രേഷണം ചെയ്യും. സംസ്ഥാനത്ത് ലോക്ഡൗണ് നിയന്ത്രണങ്ങള് നിലവിലുള്ള സാഹചര്യത്തില് അയല്പക്ക പഠനകേന്ദ്രങ്ങള് ഉള്പ്പെടെ സജീവമാക്കി മുഴുവന് കുട്ടികള്ക്കും ക്ലാസ് ലഭിക്കുന്നു എന്നുറപ്പുവരുത്താനാണ് ട്രയല് സംപ്രേഷണം ഒരാഴ്ചകൂടി നീട്ടിയതെന്ന് കൈറ്റ് സി.ഇ.ഒ. കെ.അന്വര് സാദത്ത് അറിയിച്ചു.