തിരുവനന്തപുരം: സംസ്ഥാനത്ത് നിയന്ത്രണങ്ങള് കടുപ്പിക്കാന് മുഖ്യമന്ത്രിയുടെ നേതൃത്വത്തില് ചേര്ന്ന ഉന്നതതല യോഗത്തില് തീരുമാനം. കണ്ടെയിന്മെന്റ് സോണിന് പുറത്ത് സാധാരണ കടകള് ഒന്പത് മണി വരെയാക്കും. സ്വകാര്യ മേഖലയിലും വര്ക് ഫ്രം ഹോം സംവിധാനം നടപ്പാക്കണമെന്ന് സര്ക്കാര് നിര്ദ്ദേശിച്ചു. സര്ക്കാര് ഓഫീസുകളില് പകുതിപേര് മാത്രം ജോലി ചെയ്താല് മതിയാകും. വിദ്യാഭ്യാസം പൂര്ണമായും ഓണ്ലൈന് വഴി മാത്രമാക്കി. ശനി, ഞായര് ദിവസങ്ങളില് കര്ശന നിയന്ത്രണമുണ്ടാകും. അവശ്യ സര്വീസുകള് മാത്രമേ ഈ ദിവസങ്ങളില് അനുവദിക്കൂ. സംസ്ഥാനത്ത് മൂന്ന് ലക്ഷം വാക്സിനാണ് സ്റ്റോക്കുളളത്.വാക്സിനേഷന് കാര്യക്ഷമമാക്കാന് 50 ലക്ഷം ഡോസ് വാക്സിന് കേന്ദ്രത്തോട് സംസ്ഥാന സര്ക്കാര് ആവശ്യപ്പെട്ടു. തിരുവനന്തപുരം മേഖലയ്ക്ക് രണ്ടര ലക്ഷം ഉള്പ്പടെ അഞ്ചര ലക്ഷം വാക്സിന് ലഭിക്കുമെന്ന് കേന്ദ്ര അറിയിപ്പ് ലഭിച്ചിട്ടുണ്ട്.
2021-04-21