ന്യൂഡല്‍ഹി: ക്ലബ്ബ് ഹൗസ് ഉപയോക്താക്കളുടെ മൊബൈല്‍ നമ്പറുകള്‍ ഡാര്‍ക്ക് വെബില്‍ വില്‍പ്പനയ്ക്ക്. സൈബര്‍ സുരക്ഷ വിദഗ്ദ്ധനായ ജിതിന്‍ ജെയിനാണ് ഇക്കാര്യം ട്വീറ്റ് ചെയ്തത്. ഉപയോക്താക്കളുടെ കോണ്‍ടാക്ട് ലിസ്റ്റില്‍ ബന്ധപ്പെടുത്തി വെച്ച നമ്പറുകളും അക്കൂട്ടത്തിലുള്ളതിനാല്‍ നിങ്ങള്‍ ക്ലബ് ഹൗസില്‍ ഇതുവരെ അക്കൗണ്ട് തുടങ്ങിയിട്ടില്ലെങ്കിലും നമ്പറുകള്‍ ഡാര്‍ക്ക് വെബിലെത്താന്‍ സാധ്യതയുണ്ടെന്നാണ് ജെയിന്‍ പറയുന്നത്.
ഇക്കാര്യത്തില്‍ ഇതുവരെ ക്ലബ്ബ് ഹൗസ് പ്രതികരിച്ചിട്ടില്ല. ഹാക്കര്‍ പേരുകള്‍ ഇല്ലാതെ ഫോണ്‍ നമ്പറുകള്‍ മാത്രമാണ് വില്‍ക്കാന്‍ വെച്ചതെന്ന് സ്വതന്ത്ര സുരക്ഷ ഗവേഷകനായ രാജശേഖര്‍ രജാരിയ പറഞ്ഞു.ക്ഷണം ആവശ്യമില്ലാതെ ആര്‍ക്കും ക്ലബ് ഹൗസില്‍ ചേരാനുള്ള അവസരം ഉണ്ട്. മേയ്? മധ്യത്തോടെ ആന്‍ഡ്രോയ്ഡ് ഓപറേറ്റിങ് സിസ്റ്റത്തില്‍ കൂടി അവതരിപ്പിച്ചതോടെ 10 ദശലക്ഷം ഉപയോക്താക്കളെ കൂടി ക്ലബ്ഹൗസില്‍ എത്തിക്കാനായതായി കമ്പനി അവകാശപ്പെട്ടിരുന്നു.