ആമസോണ് പ്രൈമിലൂടെ റിലീസ് ചെയ്ത് ഹിറ്റായ വെബ് സീരീസാണ് ഫാമിലിമാന് 2. തമിഴ്, മുസ്ലീം, ബംഗാളി വംശജരെ മോശമായി ചിത്രീകരിക്കുന്നു എന്നതിനെ തുടര്ന്ന് കുറച്ച് ദിവസങ്ങളിലായി ചിത്രത്തിനെതിരെ പ്രതിഷേധം ഉയരുകയായിരുന്നു. ഇപ്പോഴിതാ, ചിത്രത്തിനെതിരെ തമിഴ്സംവിധായകന് ഭാരതിരാജയും രംഗത്തെത്തിയിരിക്കുകയാണ്. ട്വിറ്ററില് തമിഴില് പങ്കുവെച്ച കുറിപ്പിലാണ് ഭാരതിരാജ സീരീസിനെതിരെ രംഗത്തെത്തിയിരിക്കുന്നത്.
തങ്ങളുടെ അഭ്യര്ത്ഥന വകവയ്ക്കാതെ, ഫാമിലി മാന് സീസണ് 2 ന്റെ സ്ട്രീമിംഗ് നിര്ത്താന് ഉത്തരവ് പുറപ്പെടുവിക്കാത്തതില് അസ്വസ്ഥരാണ്. തമിഴ് ഈഴം പോരാളികളുടെ ചരിത്രം അറിയാത്തവരാണ് ഈ സീരീസ് നിര്മ്മിച്ചതെന്ന് സീരീസിലെ രംഗങ്ങള് വെളിപ്പെടുത്തുന്നു. നല്ല ഉദ്ദേശ്യങ്ങളും വീര്യവും വലിയ ത്യാഗങ്ങളും നിറഞ്ഞ കലാപത്തെ അപമാനിക്കുന്ന സീരീസിനെ താന് അപലപിക്കുന്നു. സ്ട്രീമിംഗ് ഉടന് നിര്ത്തണമെന്ന് വാര്ത്താവിതരണ പ്രക്ഷേപണ മന്ത്രി പ്രകാശ് ജാവദേക്കറോട് താന് അഭ്യര്ത്ഥിക്കുന്നുവെന്ന് ട്വീറ്റില് ഭാരതി രാജ പറയുന്നു.